استانا اكىمدىگى قالا تۇرعىندارىنىڭ وتىنىشتەرىن ەندىگى ارنايى حەشتەگ ارقىلى بىلە الاتىن بولادى. بۇل تۋرالى اكىمدىكتىكتىڭ باسپا ءسوز قىزمەتىنىڭ جەتەكشىسى ەلۆيرا جۇرگەنبايەۆا مالىمدەدى، دەپ حابارلايدى Qamshy.kz اقپارات اگەنتتىگى.

«قالا تۇرعىندارى مەن قوناقتارىنىڭ حابارلارى مەن وتىنىشتەرىنە «استانا ق. اكىمدىگىنىڭ قالالىق مونيتورينگ جانە جەدەل ارەكەت ەتۋ ورتالىعى» جەدەل ارەكەت ەتۋ ماقساتىندا، ارىز-شاعىمدارىڭىزدى كەلەسى #astana109 حەشتەگىن قولدانىپ بەلگىلەۋىڭىزدى سۇرايمىز»، - دەپ جازدى جۇرگەنبايەۆا ءوزىنىڭ فەيسبۋكتەگى پاراقشاسىنا.

سونداي-اق، استانا اكىمدىگىنىڭ قالالىق مونيتورينگ جانە جەدەل ارەكەت ەتۋ ورتالىعىن قۇرعانىن ەسكە ءتۇسىرىپ ءوتتى.

«قالالىق مونيتورينگ جانە جەدەل ارەكەت ەتۋ ورتالىعى – «109 كەزەكشىلىك قىزمەتى» مم جانە استانا ق. اكىمدىگىنىڭ اxۋالدىق ورتالىعىنىڭ بەينەباقىلاۋ مونيتورينگ كومانداسىمەن بىرىگۋى ارقىلى قۇرىلعان. قالالىق مونيتورينگ جانە جەدەل ارەكەت ەتۋ ورتالىعى استانانىڭ «تىرشىلىك ارەكەتىنىڭ» مونيتورينگى جانە تەكسەرۋ قۇرالى بولىپ جۇمىس جاسايدى»، - دەدى استانا اكىمدىگى باسپا ءسوز قىزمەتىنىڭ جەتەكشىسى.

بايلانىس ءنومىرى قالا تۇرعىندارىنا ادەتتەگىدەي 109 بولىپ تابىلادى.

سونىمەن قاتار ءار ازامات وزدەرىنىڭ حابارلامالارىن «Smart Astana» ءموبيلدى قوسىمشاسى ارقىلى بەرە الادى.