قاراعاندىدا زاڭسىز ميسسيونەرلىك قىزمەتپەن اينالىسقان پسيەۆدوسالافيتتىك ۋاعىزشى دارىن ءمۇباروۆ اكىمشىلىك جاۋاپكەرشىلىككە تارتىلدى، دەپ حابارلايدى Qamshy.kz اقپارات اگەنتتىگى «قازاقپارات» مالىمەتىنە سۇيەنىپ.
2017 جىلدىڭ قازانىندا جۇرگىزىلگەن ءدىني ساراپتاما قورىتىندىسى بويىنشا، قاراعاندى اكىمدىگى دارىن ءمۇباروۆتىڭ زاڭسىز ميسسيونەرلىك قىزمەتىنە قارسى تالاپ-ارىز بەرگەن بولاتىن.
اتالمىش ارىزعا سايكەس، قاراعاندى قالاسىنىڭ اۋدانارالىق مامانداندىرىلعان سوتى ق ر اكىمشىلىك قۇقىز بۇزۋشىلىق تۋرالى كودەكستىڭ 490-بابى 3-بولىگى بويىنشا دارىن ءمۇباروۆتى جاۋاپكەرشىلىككە تارتتى.
الايدا، ۋاعىزشىنىڭ قورعاۋشىلارى سوت شەشىمىنە اپپەلياسيالىق شاعىم ءتۇسىرىپ ماتەريالداردى پسيحولوگيالىق جانە فيلولوگيالىق ساراپتامادان وتكىزۋ تۋرالى تالاپ جاسادى. 4 قاڭتاردا وتكەن ساراپتاما ناتيجەسى بويىنشا وبلىستىق سوت اۋدانارالىق سوتتىڭ شەشىمىن وزگەرتكەن جوق. شەشىمگە سايكەس، د ءمۇباروۆ ەندى 70 اەك كولەمىندە ايىپپۇل جانە 112348 تەڭگە كولەمىندە پروسەسسۋالدىق شىعىنداردى تولەۋگە مىندەتتى.
