الماتىدا بتا بانكتەگى توناۋ ءىسى بويىنشا تاعى ءبىر سوت وتىرىسى وتپەك، دەپ جازادى Qamshy.kz اقپارات اگەنتتىگى.

بۇل جولعى تىڭدالىم مەدەۋ اۋداندىق №2 سوتىندا وتەدى. بۇدان بۇرىن ايىپتالعانداردىڭ قاتارىنا ج. جارىمبەتوۆ، ق. سادىقوۆ جانە س. مامەشتەن باسقا 11 ادام قوسىلدى.

بولاتحانوۆا ساۋلەگە (بانكتىڭ بۇرىنعى مەنەدجەرى)، جولدىبايەۆا ساۋلە (بانكتىڭ بۇرىنعى باسقارما مۇشەسى)، ديقانبايەۆا ەرمەك (بانكتىڭ نەسيە كوميتەتىنىڭ بۇرىنعى مۇشەسى)، يسەنوۆ باقىتجان، مامەش ءسادۋاقاس (بانك باسقارماسىنىڭ بۇرىنعى ءتوراعاسى)، تاسىبەكوۆ باعداتقالي (بانكتىڭ اتقارۋشى ديرەكتورى بولعان)، وزبەكقالييەۆ رايىمحان (بانكتىڭ بۇرىنعى مەنەدجەرى)، حولودزينسكيي گەنريگ (بانك ديرەكتورىنىڭ ورىنباسارى بولعان)، ماقساتبەك ءجاميلاعا (بانك باسقارماسىنىڭ بۇرىنعى ءتوراعاسى) ق ر قىلمىستىق كودەكسىنىڭ 176-بابى 3-تارماعىنىڭ «ب» تارماقشاسىنا سايكەس (16.07.1997 ج. وزگەرتىلگەن، سەنىپ تاپسىرىلعان مۇلىكتى زاڭسىز يەلەنۋ نەمەسە مۇلكىن ۇرلاۋ) بويىنشا كۇدىك تاعىلدى.

سونداي-اق پارا الدى دەگەن كۇدىكپەن ماقساتبەك ۇلى ۇلىقبەك پەن مولچانوۆا ەلەنانىڭ دا ءىسى سوتقا جىبەرىلدى.

الدىن-الا تىڭدالىم 16 قاڭتاردا ءوتتى. الايدا ب ا ق وكىلدەرىن سوت زالىنا كىرگىزبەگەن. سوتتىڭ ءىستى قاراۋى 23 قاڭتارعا جوسپارلاندى.

ايتا كەتەيىك، 2017 جىلدىڭ 7 ماۋسىمىندا سوت ءابليازوۆتىڭ دۇنيە مۇلكىن تاركىلەپ، 20 جىلعا باس بوستاندىعىنان ايىرعان. ونىڭ سىبايلاسى قايرات سادىقوۆ سوت زالىنان قاماۋعا الىنىپ، 15 جىلعا باس بوستاندىعىن ايىرۋ تۋرالى شەشىم قابىلداندى جانە 300 مرپ كولەمىندە ايىپپۇل تاعىلىپ، بانك سالاسىندا قىزمەت ەتۋ قۇقىعىنان ايىرىلدى.