اتموسفەرالىق فرونتتاردىڭ وتۋىنە بايلانىستى، قازاقستاننىڭ باسىم بولىگىندە تۇراقسىز اۋا-رايى ساقتالادى، كەي جەرلەردە قار، بۇرقاسىن بولىپ، جەل كۇشەيەدى. رەسپۋبليكانىڭ كەي جەرلەرىندە تۇمان كۇتىلەدى دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە بەرىپ.

                شىعىس قازاقستان، پاۆلودار وبلىستارىنىڭ كەي جەرلەرىندە جەلدىڭ 15-20 م/س كۇشەيۋى، شىعىس قازاقستان وبلىسىندا بۇرقاسىن، پاۆلودار وبلىسىندا تۇمان كۇتىلەدى. اقمولا وبلىسىنىڭ كەي جەرىندە جەل، تۇمان كۇتىلەدى.وڭتۇستىك قازاقستان وبلىسىندا جەل 15-20 م/س، كۇندىز كەي جەرلەرىندە كوكتايعاق كۇتىلەدى. ماڭعىستاۋ وبلىسىنىڭ كەي جەرلەرىندە تۇمان، كۇندىز  جەل 15-20  م/س كۇشەيەدى. اتىراۋ، باتىس قازاقستان، اقتوبە، قاراعاندى وبلىستارىندا، تۇندە سولتۇستىك قازاقستان وبلىسىنىڭ كەي جەرلەرىندە تۇمان كۇتىلەدى.