الەۋمەتتىك جەلى ارقىلى اقوردانىڭ قاقپاسىنا سوعىلعان كولىكتىڭ سۋرەتى قىزۋ تالقىلانىپ جاتىر دەپ حابارلايدى Qamshy.kz اقپارات اگەنتتىگى. فوتوعا تىركەلگەن جازبادا كولىك تىزگىنىندە سپيرتتىك ىشىمدىككە تويىپ العان پوليسەي بولعانى جازىلعان.
«17 قاڭتاردا ساعات 3:20 شاماسىندا استانا قالالىق ءىىد ءاپب جەكە مامانداندىرىلعان باتالونىنىڭ ينسپەكتورى، پوليسيا اعا لەيتەنانتى يمانبەكوۆ ماس كۇيىندە مەملەكەتتىك ءنومىرى 420 ULA 01 Porsche Cayenne اۆتوكولىگىنىڭ تىزگىنىندە وتىرىپ، اقوردا رەزيدەنسياسىنىڭ قورشاۋىنا بارىپ سوعىلدى (دوستىق كوشەسى جاعىنان). جول-كولىك وقيعاسى كەزىندە كولىكتە استانا قالالىق ءىىد ءاپب جەكە مامانداندىرىلعان باتالونىنىڭ كومانديرى، پوليسيا كاپيتانى جۇماحمەتوۆ (كولىكتىڭ يەسى) تە بولعان. ول وقيعا ورنىنان قاشىپ كەتتى. استانا قالالىق ءىىد ىشكى قاۋىپسىزدىك باسقارماسى قىزمەتتىك تەكسەرۋ جۇرگىزۋدە»، - دەلىنگەن اتالعان حابارلامادا.
