اقوردانىڭ قاقپاسىن كولىكپەن سوعىپ قيراتا جازداعان پوليسەيلەر جۇمىستان قۋىلدى دەپ جازادى Qamshy.kz اقپارات اگەنتتىگى Tengrinews.kz سايتىنا سىلتەمە جاساي وتىرىپ. بۇل جايتقا بايلانىستى استانا قالالىق ءىىد-نىڭ باسپا ءسوز قىزمەتى مالىمدەمە جاسادى.
«قاڭتاردىڭ 16-نان 17-نە قاراعان ءتۇنى بولعان جول كولىك وقيعاسىنا قاتىستى قىزمەتتىك تەكسەرۋ جۇرگىزىلىپ، كەلەسى جاعداي انىقتالدى: استانا قالالىق ءىىد ءاپب جەكە مامانداندىرىلعان باتالونىنىڭ ينسپەكتورى، اعا لەيتەنانت ە.يمانبەكوۆ دوستىق كوشەسىمەن اۆتوكولىكپەن كەلە جاتىپ، تىزگىنگە يە بولا الماي قالعان جانە قاقپاعا بولماشى عانا سوققى جاساپ، ونى زاقىمداعان. جاراقات العاندار جوق»، - دەدى ءىىد وكىلدەرى.
دەپارتامەنت ماماندارىنىڭ ايتۋىنشا، وسى وقيعادان كەيىن اعا لەيتەنانت يمانبەكوۆ پەن ونىمەن بىرگە بولعان ۆزۆود كومانديرى، پوليسيا كاپيتانى جۇماحمەتوۆ ق ر ىشكى ىستەر ورگاندارىنان جۇمىستان قۋىلعان. سونىمەن قاتار، قولاستىنداعى قىزمەتكەرلەرىنە تاربيە جۇمىستارىن دۇرىس جۇرگىزە الماعان باسشىلار دا قاتاڭ تارتىپتىك جاۋاپكەرشىلىككە تارتىلىپتى.
