الماتىدا 1975 جىلى تۋعان ز.، ەسىمدى كۇدىكتى بىرنەشە الاياقتىق جاساعانى ءۇشىن قولعا ءتۇستى. قازىرگى كەزدە تۇركسىب ءاىىب قىلمىستىق ارەكەتتىڭ 4 ءتۇرلى جاعدايىن تىركەدى، الايدا جاپا شەگۋشىلەر ودان دا كوپ بولۋى مۇمكىن، دەپ جازادى Qamshy.kz اقپارات اگەنتتىگى. 

«ز.، ەسىمدى ازامات ءبىزدىڭ ايماقتا ايىرباستاۋ نۇكتەسىن اشىپ، باس كەزدە، مۇمكىن، ءادىل جۇمىس ىستەگەن بولار. ءبىراق، اشكوزدىكتەن جانە تەز ارادا بايىپ كەتسەم دەگەن ويمەن قىلمىستىق ارەكەتتى ويلاستىرىپ، ونى ىسكە دە اسىرعان.

ۇيرەنشىكتى كليەنتتەرىنە ز.، ەسىمدى كۇدىكتى اقشا باعامىنىڭ وزگەرۋىنە بايلانىستى ولاردىڭ قارجىسىن ءوز كاسىبىنە سالۋعا ۇگىتتەگەن. ناتيجەسىندە ولار «اقشاسىن كوبەيتىپ، باستاپقى سالعان قارجىنى تولىق قايتارىپ الادى» دەگەن قىزىقتىرارلىقتاي ۇسىنىسقا بىرنەشە ادام كەلىسكەن. ەنجار تابىس ادامدارعا الدامشى ءۇمىت بەرمەي قويمادى.

ولار قاسكۇنەمگە قولداعى بار قاراجاتىن بەرگەن، الايدا ز.، ەسىمدى ازاماتتان ەشقانداي حابار الا الماي قالعان. سالىمشىلار بىرىگىپ، ونى قاراستىرا باستاعاندا، ز.، ەسىمدى ازاماتتىڭ ەلدە بولماي شىققانى بەلگىلى بولدى. الدانعان ازاماتتار قوسىمشا تابىس تۇگىلى، دانەڭە دە الماعان.

تۇركسىب ءىىب سوتقا دەيىنگى الاياقتىق فاكتىسى بويىنشا تەرگەۋ امالىن باستاپ، ز.، ەسىمدى كۇدىكتىنى ۇستاعان. كليەنتتەرىن سان سوقتىرعان ول 1 ميلليون اقش دوللارىن جىمقىرعان. وسى ادامنان الدانىپ قالعاندار بولسا مىنا بايلانىس تەلەفونىنا حابارلاسۋلارىڭىزدى سۇرايمىز: 298-54-01؛ 298-54-08 جانە 298-54-10»، دەپ حابارلادى تۇركسىب ءىىب پوليسيا پودپولكوۆنيگى ۆلاديمير رەشەتنيكوۆ.