اقتوبە وبلىسىندا 52 ادامنىڭ قازاسىمەن اياقتالعان اۆتوبۋس ورتىنە وتتى ابايسىز پايدالانۋ سەبەپ بولعان. بۇل تۋرالى ءىىم ءمينيسترىنىڭ ورىنباسارى ەرلان تۇرعىمبايەۆ مالىمدەدى دەپ جازادى 24.kz. ونىڭ ايتۋىنشا، اۆتوكولىكتىڭ قوزعالتقىشى ءوشىپ قالىپ، كولىكتىڭ ءىشى سالقىن بولعان، سول كەزدە دانەكەرلەيتىن شام جىلىتقىش رەتىندە قولدانىلعان. ول ەكى ساعاتتان استام ۋاقىت جۇمىس جاسايدى. سول كەزدە كولىك سالونىنداعى 5 ليترلىك ىدىستاعى بەنزين توگىلىپ، وت لاپ ەتەدى. ءسويتىپ، از ۋاقىتتا اۆتوبۋس ىشىندەگى ازاماتتاردىڭ بارلىعىنىڭ ءومىرىن جالماعان. زارداپ شەككەن ازاماتتار دا بۇل سوزدەردى راستاپ وتىر. توتەنشە جاعدايعا بايلانىستى قوزعالعان قىلمىستىق ءىس ودان ءارى جالعاسىپ، تەرگەۋ امالدارى جۇرگىزىلۋدە. ال مارقۇمداردىڭ مايىتتەرى وزبەكستان توتەنشە جاعدايلار مينيسترلىگىنىڭ بورتىمەن ەلىنە جىبەرىلدى. رۋستام دجۋرايەۆ، وزبەكستان

رەسپۋبليكاسىنىڭ توتەنشە جاعدايلار ءمينيسترى: - قازا بولعان ازاماتتاردىڭ مايىتتەرىن وزبەكستانعا جەتكىزەمىز. قاجەت بولعان جاعدايدا قوسىمشا ساراپتامالار جۇرگىزىلەتىن بولادى. سودان كەيىن تۋعان-تۋىستارىنا تابىستايمىز.

 ق ر ىشكى ىستەر ءمينيسترىنىڭ ورىنباسارى ەرلان تۇرعىمبايەۆ: - اۆتوبۋستىڭ ءىشى سالقىن بولعانىنا بايلانىستى بەنزيندى دانەكەرلەۋشىنى پايدالانعان. جولاۋشىلار وسىلاي 2 ساعاتتان ارتىق جىلىنىپ وتىرعان. بەنزين مەن گاز قوسىندىسى اۆتوبۋس سالونىنا تولعان. جانارماي قۇتىسى توگىلگەن ساتتە ءورت باستالىپ، ساناۋلى مينۋتتار ىشىندە سالون جالىنعا ورانىپ، جولاۋشىلار قازا بولدى،-دەدى.