سولتۇستىك قازاقستان وبلىستىق قىلمىستىق ىستەر بويىنشا مامانداندىرىلعان اۋدانارالىق سوتىندا تانىسىن ءولتىرىپ، دەنەسىن بولشەكتەگەن پەتروپاۆل تۇرعىنىنا ۇكىم شىعارىلدى، دەپ Qamshy.kz اقپارات اگەنتتىگى «قازاقپاراتقا» سىلتەمە جاساپ جازادى. 

ءىس ماتەريالدارى بويىنشا، بىلتىر شىلدەدە پەتروپاۆلدىق م.ماكەنتايەۆ ءوزىنىڭ پاتەرىندە تانىسىمەن بىرگە ىشىمدىك ىشەدى. ولاردىڭ اراسىندا جانجال شىعادى. ماكەنتايەۆ پىشاقپەن قوناقتىڭ باسى مەن موينىنان جاراقاتتايدى.

«قىلمىسىن جاسىرۋ ماقساتىندا م.ماكەنتايەۆ 28-29 شىلدە ارالىعىندا قول ارامەن ءمايىتتى بولشەكتەپ، ولاردى پوليمەرلىك پاكەتتەرگە سالادى. 2017 جىلدىڭ 30 شىلدەسىندە ونى پاتەردەن الىپ شىعىپ، ورمانعا اپارىپ تاستايدى»، - دەلىنگەن ءىس ماتەريالدارىندا. م. ماكەنتايەۆ 10 جىلعا باس بوستاندىعىنان ايىرىلىپ، جازاسىن قاتاڭ رەجىمدەگى تۇرمەدە جازاسىن وتەيدى. زارداپ شەگۋشى تاراپقا مورالدىق شىعىنى رەتىندە 2 ملن تەڭگە ءوندىرىلدى.