سينوپتيكتەر الداعى ۋاقىتتا اۋا رايى قالاي بولاتىندىعىن ايتتى، دەپ حابارلايدى Qamshy.kz اقپارات اگەنتتىگى "قازگيدرومەت" رمك وكىلدەرىنە سىلتەمە جاساپ.

قازاقستاننىڭ كوپتەگەن وڭىرلەرىندە قالىپتاسقان قاتتى اياز باسىلادى.

29 قاڭتاردان 30 قاڭتارعا دەيىن اياز سولتۇستىك قازاقستان، اقمولا، پاۆلودار، شىعىس قازاقستان جانە قاراعاندى وبلىستارىندا بوساڭسىپ، اپتانىڭ اياعىندا اۋا تەمپەراتۋراسى -35-41 گرادۋستان -15-23 گرادۋسقا دەيىن، تۇندە -25-33 گرادۋستان -7-15°C دەيىن كوتەرىلەدى.

وڭتۇستىك ايماقتاردا تۇنگى تەمپەراتۋرا -21-35  گرادۋستان -5-13 ° C، كۇندىز -15 -2-دەن -2 + 3 ° C دەيىن كوتەرىلەدى.

ەستەرىڭىزگە سالا كەتەيىك، 19 قاڭتاردا سينوپتيكتەر ورتالىق، سولتۇستىك جانە شىعىس وبلىستاردا قاتتى اياز بولاتىنى تۋرالى داۋىلدى ەسكەرتۋ جاساعان بولاتىن. ودان كەيىن قاتتى اياز ەلىمىزدىڭ وڭتۇستىك اۋماقتارى الماتى، جامبىل، قىزىلوردا جانە وڭتۇستىك قازاقستان وبلىستارىنا دا جەتىپ، 29 قاڭتارعا دەيىن وسى اۋا-رايىنا بايلانىستى داۋىلدى ەسكەرتۋ جاريالاندى.