ءۇندىستاندا ەر ادام مرت اپپاراتىنىڭ سالدارىنان كوز جۇمدى، دەپ جازادى Qamshy.kz اقپارات اگەنتتىگى NDTV ارناسىنىڭ مالىمەتىنە سۇيەنە وتىرىپ.

رادجەش مارۋ ەسىمدى پاسيەنت اۋرۋحاناداعى مرت كابينەتىنە تەكسەرىلۋگە كەلگەن بولاتىن. الايدا سكانەردىڭ ماگنيتتىك ءورىسىنىڭ قۋاتى تىم كۇشتى بولۋىنىڭ سالدارىنان ول بىردەن ىشىنە ەنىپ كەتكەن. اپپاراتتى دەرەۋ ءوشىرىپ، ىشىنەن رادجەش مارۋدى الىپ شىققانمەن، ونىڭ ءومىرىن ساقتاپ قالۋ مۇمكىن بولماعان، ول ون مينۋتتان سوڭ كوز جۇمعان.

قازا تاپقان ەر ادامنىڭ تۋىستارىنىڭ ايتۋىنشا، مەكەمەدەگى دارىگەرلەر اپپاراتتىڭ ءوشىرۋلى تۇرعانىن ايتىپ، ونىڭ ىشىنە كىرۋ ءقاۋىپسىز ەكەندىگىن جەتكىزگەن. «ءبىز بۇل كابينەتكە مەتالل زاتپەن كىرۋ اسا ءقاۋىپتى ەكەندىگىن ايتقاندا، ولار ۇنەمى وسىلاي كىرىپ جۇرگەندەرىن ايتىپ سەندىردى»، - دەيدى تۋىستارى.

پوليسيا بولىمشەسىندە اتالمىش ىسكە قاتىستى ەكى جاۋاپتى ادام مەن دارىگەردىڭ ۇستىنەن قىلمىستىق ءىس قوزعالعاندىعىن مالىمدەدى. اۋرۋحاناعا بولعان وقيعاعا بايلانىستى تەكسەرىس جۇمىستارى جۇرگىزىلەتىندىگى بەلگىلى بولدى.