الماتى وبلىسىنداعى قاپشاعاي قالاسىنىڭ ەكونوميكاسىنا بيىل 30 ملرد تەڭگە كولەمىندە ينۆەستيسيا قۇيىلادى دەپ حابارلايدى Qamshy.kz اقپارات اگەنتتىگى.
بۇل قارجىعا ون شاقتى ينۆەستيسيالىق جوبانى جۇزەگە اسىرۋ كوزدەلىپ وتىر. سونىڭ ىشىندەگى ەڭ ىرىلەرى سۋدان، جەلدەن جانە كۇن كوزىنەن ەلەكتر قۋاتىن وندىرۋگە ارنالعان جوبالار. سونداي-اق قىزمەتتىك-تەحنيكالىق ماقساتتا پايدالانىلاتىن جاڭا اۋەجايدىڭ قۇرىلىسى باستالىپ، اياق كيىم فابريكاسى مەن دارى-دارمەك شىعاراتىن زاۋىت سالىنادى. وتكەن جىلى مۇندا «نۇرلى جول» باعدارلاماسى بويىنشا 11 ملرد تەڭگەگە 3 جاڭا ىقشاماۋداننىڭ ينجەنەرلىك جەلىلەرى تارتىلىپ، ينفراقۇرىلىمى جاساقتالدى. قالانىڭ جىلۋ قازاندىعى كۇردەلى جوندەۋدەن ءوتتى. الداعى ۋاقىتتا قاپشاعايدىڭ جىلۋ جانە كارىز جۇيەسى قايتا جاڭعىرتىلىپ، ءتۇرلى الەۋمەتتىك توپتاعى ازاماتتارعا ارنالعان جاڭا ۇيلەر تۇرعىزىلا باستايدى.
