دانيال احمەتوۆ زىريان اۋدانى اكىمىنە شارت قويدى، دەپ جازادى Qamshy.kz اقپارات اگەنتتىگى.

وعان سايكەس بيىل اۋدان ورتالىعىنىڭ باستى كوشەلەرى جوندەلىنىپ، تۇرعىندار اۋلالارىنا جاناشىرلىق تانىتۋعا ۇيرەنۋى كەرەك. جۇمىس ناتيجەسى وڭ بولسا، وبلىستىق بيلىك قالانىڭ بارلىق شاعىن اۋدانىن كورىكتەندىرۋ ءىسىن قولعا الماق.

وسكەمەننىڭ ىزىمەن جاقىن ارادا زىريانداعى مولتەك اۋدانداردىڭ اۋلالارى دا اباتتاندىرىلادى. بۇل تۋرالى جەرگىلىكتى باسشىنىڭ ەسەپ بەرۋ جيىنىنا قاتىسقان دانيال احمەتوۆ مالىمدەدى. ايتا كەتۋ كەرەك، وتكەن جىلى قالانىڭ شەتكى بولىكتەرىندەگى 4 كوشە جوندەلدى. بۇدان بولەك «زىريان–زۋبوۆسك-پارىگينو» باقىتىنداعى جول دا 200 ملن. تەڭگەگە قالپىنا كەلتىردى. 

– بيىل زىرياننىڭ بارلىق ورتالىق كوشەلەرىن جوندەۋ كەرەك. سونىمەن قاتار اۋلالاردىڭ جاعدايىن قالپىنا كەلتىرۋ مىندەتى تۇر. وتكەن جىلى قاراشا ايىندا اۋدان اكىمىنە قاتاڭ ەسكەرتۋ جاسالعان بولاتىن. ءار تۇرعىن، ءار كووپەراتيۆ بۇل ىسكە ءمان بەرۋى ءتيىس. ەگەر ىستە كوز كۋانتار ناتيجە بولسا، قالانىڭ ءار شاعىن اۋدانىن اباتتاندىرۋعا ۋادە بەرەمىن، - دەدى شقو اكىمى دانيال احمەتوۆ.

بيىلعى جوسپاردا وبلىستىق قازىنادان بولىنگەن 259 ملن. تەڭگەگە زىريان مەن سەرەبريانسكىنىڭ 8 باستى كوشەلەرى دە جوندەلۋى ءتيىس.