بۇل تۋرالى اۋدانعا جۇمىس ساپارىمەن بارعان شقو اكىمى دانيال احمەتوۆ مالىمدەدى. جاڭا ءبىلىم شاڭىراعى №6 ورتا مەكتەپتە وقىپ جاتقان وقۋشىلارعا قۋانىشتى جاڭالىق بولدى. سەبەبى، مۇنداعى بالا سانى ءتيىستى نورمادان ەكى ەسە كوپ، دەپ حابارلايدى Qamshy.kz اقپارات اگەنتتىگى.

جارتى عاسىردا تالاي زىرياندىق تۇلەپ ۇشقان №6 ورتا مەكتەپ بۇگىندە قالاداعى قارا شاڭىراقتىڭ ءبىرى. الايدا 620 وقۋشىعا ارنالعان وقۋ ورنىندا قازىرگى تاڭدا 1000 تارتا بالا ءبىلىم الادى.

– قالاعا جاڭا مەكتەپ كەرەك. سوندىقتان 600 ورىندىق ءبىلىم شاڭىراعىنىڭ قۇرىلىسى باستالاتىنىن ايتامىن. اۋدان اكىمى تەزىرەك ىسكە كىرىسسە، سمەتاسىن جاساسا، وبلىس تەك قولدايدى، - دەدى شقو اكىمى دانيال احمەتوۆ.

"مەنىڭ مەكتەبىم" جوباسى اياسىندا بۇگىندە №6 ورتا مەكتەپتە جاڭا موديفيكاسيا كابينەتتەرى، ياعني، روبوت تەxنيكاسى، xيميا، فيزيكا سىنىپتارى جابدىقتالۋ ۇستىندە.