الماتى وبلىسىنىڭ كاسىپكەرلەر پالاتاسى جانە Didakt-kz كاسىبي باعىت-باعدار بەرۋ جانە مانساپتى جوسپارلاۋ ورتالىعى «ح ادامدار: ماماندىقتار الەمىنە ساياحات» اتتى اۋقىمدى كۆەست ويىنىن ۇيىمداستىردى. بيىل كاسىبي باعدار بەرۋ ءىس-شاراسى تالدىقورعان قالاسىنىڭ وقۋشىلار سارايىندا ءوتتى.

كۆەست ويىنى ءار ءتۇرلى ماماندىقتاردان قۇرالاتىن 10 ينتەراكتيۆتى ستانسادان تۇرادى. بەكەتتەردە وقۋشىلار ستانسانىڭ اتىن عانا ەمەس، ماماندىققا قاتىستى كۇردەلى تاپسىرمالاردى ورىنداۋى ءتيىس. شاراعا تالدىقورعان قالاسىنىڭ 60-تان استام وقۋشى قاتىستى.

«وتكەن جىلدان بەرى كاسىبي باعىت بەرۋ جۇمىسىن جاڭاشا فورماتقا اۋىستىردىق. ماماندىقتار بويىنشا دارىستەردى قويا تۇرىپ، وقۋشىلار ءۇشىن تانىمدىق كۆەست ويىنىن ويلاپ تاپتىق. بالالار تاجىريبە جۇزىندە قاراپايىم كاسىبي قابىلەتتەردى بويلارىندا شىڭداۋىنا مۇمكىندىك بەرەدى. شارامىزعا قالانىڭ جالپى ءبىلىم بەرەتىن مەكتەپتەرىنەن 9 توپ قاتىستى»، -  دەيدى الماتى وبلىسى كاسىپكەرلەر پالاتاسى ادامي كاپيتالدى دامىتۋ ءبولىمىنىڭ ساراپشىسى ارداق قاشقاروۆا.

قاتىسۋشىلارعا ارنالعان بەكەتتەردى قۇراستىرۋعا الماتى وبلىسىنىڭ توتەنشە جاعدايلار جونىندەگى دەپارتامەنتى، №54380 اسكەري ءبولىمى، ءو. جولداسبەكوۆ اتىنداعى ەكونوميكا جانە قۇقىق اكادەمياسى، «ءبىلىم» كوللەدجى، تالدىقورعان ونەركاسىپتىك يندۋستريا جانە جاڭا تەحنولوگيالار كوللەدجى، سەرۆيس جانە تەحنولوگيالار كوللەدجى، اگروتەحنيكالىق كوللەدجى، گۋمانيتارلى-تەحنيكالىق كوللەدجى، مەديسينالىق كوللەدجى جانە پوليتەحنيكالىق كوللەدجى قاتىستى.

ستانسالاردا بالالاردىڭ جىلدامدىعى، ەپتىلىگى مەن دالدىگى ساراپقا سالىندى. ماسەلەن، «قۇرىشتان جاسالعاندار» اتتى بەكەتتە قۇراستىلىرىمداردى ءىس جۇزىندە كۇيدىرىپ، دانەكەرلەۋشى ماماندىعى بويىنشا سۇراقتارعا جاۋاپ بەرۋ كەرەك بولدى. ال «قاينار قۇرىلىس» بەكەتىندە قاتىسۋشىلار دايىندالعان ءۇي ماكەتىن بولشەكتەپ، كەيىن قايتا قۇراستىردى.

«بۇل شارا وڭ اسەر مەن جارقىن سەزىمدەر سىيلادى. ويىن بولعانىنا قاراماستان، كوپشىلىگىمىز ءۇشىن بولاشاق ماماندىعىمىزدى تاڭداۋعا ءوز كومەگىن تيگىزدى»، - دەيدى №9 ورتا مەكتەپ وقۋشىسى ارۋجان قادىر.

كۆەست ويىنى قورىتىندىسى بويىنشا ءبىرىنشى ورىندى №9 مەكتەپ يەلەنسە، ەكىنشى جانە ءۇشىنشى ورىنداردى №12 مەن №17 مەكتەپتەر ءبولىستى. جەڭىمپازدارعا سەرتيفيكاتتار مەن ەستەلىك سىيلىقتار تابىستالدى. ولار ءوز كەزەگىندە جالپى ويىننىڭ فينالىنا جولداما الادى.

«بالالاردىڭ كوزدەرىنەن ۇلكەن قىزىعۋشىلىق مەن جاڭا باستامالارعا دەگەن قۇلىشىنىستى بايقادىق. باستىسى، وقۋشىلار باقىلاۋشى ەمەس، بەلسەندى قاتىسۋشى رەتىندە تانىلدى، توپ ءۇشىن وزدەرىنىڭ ۇلەسىن قوستى. ءبىزدىڭ بالالار ومىردەگى ەڭ نەگىزگى - بولاشاق ماماندىق تاڭداۋدى جاساي ءبىلۋى ءتيىس»، - دەپ قوستى Didakt-kz كاسىبي باعىت-باعدار بەرۋ جانە مانساپتى جوسپارلاۋ ورتالىعىنىڭ جەتەكشىسى گۇلبارام ادامبايەۆا.

ۇيىمداستىرۋشىلاردىڭ سوزىنشە، الداعى ۋاقىتتا «ح ادامدار: ماماندىقتار الەمىنە ساياحات» كۆەست ويىنىنىڭ قوسىمشا ەكى ىرىكتەۋ ويىنى وتەدى. جەڭىمپازدار ويىننىڭ فينالىنا قاتىسا الادى.