قازاقستاندا لاتىنشا جازىلعان جەكە كۋالىكتەر 2021 جىلدان باستاپ بەرىلەتىن بولادى. بۇل تۋرالى 13 اقپاندا ق ر ۇكىمەتى وتىرىسىندا مادەنيەت جانە سپورت ۆيسە-مينيسترى ەرلان قوجاعاپانوۆ مالىمدەدى، دەپ جازادى Qamshy.kz اقپارات اگەنتتىگى.
ونىڭ سوزىنشە، لاتىن الىپبيىنە كوشۋدىڭ العاشقى ساتىسى 2018-2020 جىلدارعا جوسپارلانىپ، الدىن الا قۇقىقتىق نورماتيۆتىك جاڭارتۋلار مەن لاتىن گرافيكاسىنا ءوتۋدىڭ ءىت-باعدارلامالارى جاسالادى.
-لاتىنعا كوشۋدىڭ ەكىنشى ساتىسى 2021-2023 جىلدارعا جوسپارلانعان. وعان دەيىن ارنايى سەمينارلار مەن دايىندىق كۋرستارى جۇرگىزىلىپ، بۇل جۇمىستارعا عالىم-فيلولوگتار تارتىلاتىن بولادى،-دەدى ول.
ال ءۇشىنشى ساتىسى 2024-2025 جىلدارعا بەلگىلەنىپ، مەملەكەتتىك ورگانداردى جانە ءبىلىم بەرۋ ورتالىقتارى مەن ب ا ق قۇرالدارىن لاتىن قارپىنە كوشىرۋ اياقتالۋى كەرەك.
