وسكەمەنگە ءبىر توپ گولليۆۋد جۇزدىزى كەلدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

كەري تاگاۆا، مايكل مەدسەن، باي لين، مارك داكاسكاس جانە ەريك روبەرتس شقو اكىمىنىڭ شاقىرۋىمەن وسكەمنگە كەلدى. ولار پروديۋسەر ارمان اسەنوۆتىڭ باسشىلىعىمەن شىعىس قازاقستان تۋرالى فيلم تۇسىرمەكشى. ازىرگە ءفيلمنىڭ قاي جانردا بولاتىنى بەلگىسىز. ءبىر انىعى، ول تۋىندى ءوڭىردى الەمگە تانىتۋ ءۇشىن تۇسىرىلمەك. كەري تاگاۆا بۇل جوبادا باس پروديۋسەر قىزمەتىن اتقارادى. دانيال احمەتوۆتىڭ قابىلداۋىندا اتالمىش اكتەر شىعىستىڭ تابيعاتىنا ءتانتى بولعانىن ايتتى.

«مەن - جاپوندىقپىن، ءبىزدىڭ قازاقتارمەن بايلانىسىمىز كوپ. سىزدەردىڭ جاندارىڭىزدا بولعىم كەلەدى، سوندىقتان قازاقستاننىڭ ازاماتى بولۋ جوسپارىمدا بار»، - دەدى ول.

گولليۆۋد جۇلدىزدارى بۇل جولعى ساپارىندا ەلىمىزدىڭ بىرنەشە اۋدانىن ارالاپ، ءوڭىردىڭ تىنىس تىرشىلىگىمەن جانە كيەلى ورىندارمەن تانىسادى.