استانا تۇرعىنى Technodom-دا وتكەن «تۇنگى ساتىلىمدا» زاتتارعا قاتە قويىلعان باعالار ءۇشىن 50 مىڭ تەڭگەگە ($150) سوتتادى، دەپ جازادى Qamshy.kz اقپارات اگەنتتىگى. 

2017 جىلدىڭ قىركۇيەگىندە «Technodom Operator» اق «تۇنگى ساتىلىم» ناۋقانىن جاساعان بولاتىن. ءدال وسى تۇندە ەر ادام ءوزىنىڭ قىزىنا Apple IPhone 7 سمارتفونىن الىپ بەرمەك بولعان. ونىڭ سايتتا كورسەتىلگەن باعاسى 219 990 ($670 شاماسىندا).

وسى باعاعا سايكەس، ەر ادام سمارتفوندى ونلاين ساتىپ الۋعا تاپسىرىس بەرىپ، دۇكەنگە كەلىپ الىپ كەتپەك بولعاندا ساتۋشىلار باعانىڭ قاتە جازىلعانىن جانە ونىڭ ساتىلمايتىنىن ايتقان. ويتكەنى ۇيالى تەلەفوننىڭ شىنايى باعاسى 339 990 تەڭگە ($1040) بولعان.

Apple IPhone 7 مودەلىن ساتىپ الا الماعان ەر ادام باسقا تەلەفوننىڭ باسقا مودەلىن ساتىپ العان. وسى وقيعادان كەيىن ەر ادام Teسhnodom-دى كەلتىرگەن مورالدىق شىعىنى ءۇشىن 1 ملن تەڭگەگە ($3 مىڭ) سوتقا بەرگەن.

استانا قالاسىنىڭ الماتى ايماقتىق سوتى جابىرلەنۋشىنىڭ ارىزىن جارتىلاي قاراستىرىپ، «Technodom Operator» اق 50 مىڭ تەڭگە مورالدىق شىعىندى وتەۋگە مىندەتتەدى.