الماتىدا اۆتوبۋستان قۇلاپ قالعان جولاۋشى ايەل مەن جۇرگىزۋشى اراسىنداعى داۋ مەدياسيا تارتىبىمەن شەشىلدى، دەپ حابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى.

اتالعان ءىس تۇركسىب اۋداندىق سوتىنىڭ قاراۋىندا بولاتىن. جۇرگىزۋشىگە قاتىستى ق ر قك 345-بابىنىڭ 1-بولىمىمەن ايىپ تاعىلعان ەدى.

سوت تالقىلاۋى كەزىندە زارداپ شەككەن ايەل قىلمىستىق ءىستى توقتاتۋدى سۇرادى.

ونىڭ ايتۋىنشا، اۆتوبۋس جۇرگىزۋشىسى كەلتىرىلگەن شىعىندى تولىق وتەگەن. سول سەبەپتى تاراپتار مەدياسيا تارتىبىمەن كەلىسىمگە كەلدى.

تۇركسىب اۋداندىق سوتىنىڭ سۋدياسى ق ر قك 68-بابىنىڭ 1ء-بولىمىن نەگىزگە الا وتىرىپ، جۇرگىزۋشىنى قىلمىستىق جاۋاپكەرشىلىكتەن بوساتتى.

ايتا كەتۋ كەرەك، جول اپاتى بىلتىر 8 تامىزدا بولعان ەدى. اۆتوبۋس جۇرگىزۋشىسى «ۆاز» ايالداماسىنان اسا بەرگەندە ەسىكتى جابۋدى ۇمىتىپ كەتكەن. سونىڭ كەسىرىنەن ءجۇرىپ بارا جاتقان اۆتوبۋستان ايەل قۇلاپ تۇسكەن. جول اپاتىنان جولاۋشى ورتا دارەجەلى جاراقات الدى.