بۇگىن ماسكەۋدە قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ رەسەيدىڭ قازاقستانداعى ەلشىسى الەكسەي بوروداۆكيندى قابىلدادى. بۇل جايىندا Qamshy.kz اقپارات اگەنتتىگى رەسەيدەگى قازاقستان ەلشىلىگىنىڭ باسپا ءسوز قىزمەتىنە سىلتەمە جاساپ حابارلايدى.

قوس تاراپ قازاقستان مەن رەسەي قارىم-قاتىناسىنىڭ نەگىزگى تۇستارىنا جانە دە ەلدە وتەتىن بيىلعى ماڭىزدى شارالارىنا توقتالىپ ءوتتى.

بۇل 9-شى استاناداعى سيريا جونىندەگى كەلىسسوزدەردىڭ جۇرگىزىلۋى. سونىمەن قاتار، كاسپييدىڭ قۇقىقتىق مارتەبەسىن انىقتاپ بەرەتىن بەسىنشى ءسامميتتىڭ قازاقستاندا ءوتۋى. زامانىندا كسرو مەن يران مەملەكەتىنىڭ اراسىندا عانا جاتقان قارت كاسپييگە كەڭەس وداعى كۇيرەگەننەن كەيىن يران جانە رەسەيمەن قاتار الەم كارتاسىنان ورىن العان قازاقستان، ازەربايجان، تۇرىكمەنستان ەلدەرى دە يەلىك ەتكەن ەدى. سودان بەرى اتالعان 5 مەملەكەتىڭ اراسىنداعى تەڭىزدىڭ تۇبىندەگى مول تابيعي رەسۋرستارمەن قاتار گەوساياسي شەكارا ءبولۋ ماسەلەسىندەگى كۇرمەۋى كوپ ماسەلەلەر شەشىلگەن ەمەس. 

بۇدان وزگە، التىنشى رەت وتكەلى وتىرعان الەمدىك جانە ءداستۇرلى دىندەر ليدەرلەرىنىڭ سەزى جانە قازاقستان مەن رەسەيدىڭ حV ءوڭىرارالىق ىنتىماقتاستىعى فورۋمى.

وسى جىلدىڭ جوسپارىن كەڭىنەن تالقىلاعان ۇيىم جەتەكشىلەرى، جۇرگىزىلىپ وتىرعان كوپ باعىتتاعى شارالاردىڭ ماڭىزدىلىعىنا توقتالدى. مۇنىمەن قوسا، سىرتقى ساياساتتاعى بايلانىس مۇمكىندىتەرىن جەتىلدىرۋگە دە ەرەكشە ءمان بەرىلدى.