14 اقپاندا استانادا ق ر پرەزيدەنتى اكىمشىلىگىنىڭ ماڭىندا نارازىلىق اكسياسى ءوتتى، دەپ جازادى Qamshy.kz اقپارات اگەنتتىگى.
جەرگىلىكتى باق-ڭ حابارلاۋىنشا، نارازىلىققا قالانىڭ ءۇش تۇرعىنى قاتىسقان، ولار: ۆلادلەن سوي، شولپان ايتبايەۆا جانە ليۋبوۆ ەرۋبايەۆا، ولارمەن بىرگە شقو تۇرعىنى كەنجەعايشا راحيمبايەۆا دا بولعان.
نارازىلىق اكسياسى بارىسىندا ۆ. سوي ك. راحيمبەكوۆانى شام باعاناسىنا بايلاپ قويعان. ولار وسىلايشا، قىلمىس جاساپ، تۇرمەگە قامالعان بالالارىن شىعارىپ الماق ءۇشىن نۇرسۇلتان نازاربايەۆتىڭ نازارىن اۋدارعىسى كەلگەن.
ناقتىلاپ ايتساق، ك. راحيمبەكوۆانىڭ ۇلى ەسىرتكى تاراتقانى ءۇشىن تۇتقىندالعان بولسا، ش. ايتباۆا الاياقتىق ءۇشىن سوتتالعان كۇيەۋ بالاسى مەن قىزىنىڭ بوستاندىعى ءۇشىن جانە ۆ. سوي شەنەۋنىكتەردىڭ ءوز بيزنەسىن تارتىپ العانى ءۇشىن نارازىلىق بىلدىرۋگە شىققان.
اكسياعا قاتىسۋلار تەرگەۋ بارىسىنداعى زاڭ بۇزۋشىلىقتار مەن مەملەكەتتىك ورگانداردىڭ ماسەلەنىڭ انىق-قانىعىنا جەتۋدە نەمقۇرايلىقپەن قاراعانىنا، دالەلدەرگە ءمان بەرمەگەندىكتەرىنە نالىعان.
از ۋاقىتتان سوڭ، تارقاعىسى كەلگەن ولاردى ومون قىزمەتكەرلەرى ۇستاپ، اۆتوبۋسقا سالىپ اكەتكەن.
بۇل ارەكەتتەن كەيىن، ك. راحيمبەكوۆا ولاردى اۋەلى استانا ەسىل اۋداندىق ءىىب -عا، سوڭىنان اكىمشىلىك سوتقا جەتكىزگەنىن ايتىپ بەردى. الايدا ش. ايتبايەۆا ءوزىن ناشار سەزىنگەندىكتەن، ونى جەدەل جاردەم قىزمەتىمەن اۋرۋحاناعا الىپ كەتكەن.
