شىعىس قازاقستاننىڭ اياگوز اۋدانىندا 77 جاستاعى  قارتتى بويجەتكەن توناپ كەتتى، دەپ حابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى.

«102» نومىرىنە حابارلاسقان اقساقال بەلگىسىز ادامنىڭ ءوزىن تالدىرىپ، اقشاسىن الىپ كەتكەنىن ايتىپ حابارلاسقان. تۇنگى ساعات 01.00 شاماسىندا تىسقا شىعىپ، قوراعا بەتتەگەن قاريانى مەديسينالىق بەتپەردە تاققان ادام تالدىرىپ كەتكەن. قاريانىڭ قالتاسىندا 90 مىڭ تەڭگە بولعان ەكەن. جەدەل ىسزدەستىرۋ شارالارىنىڭ ارقاسىندا توناۋشىنىڭ 22 جاستاعى بويجەتكەن ەكەنى انىقتالدى. اۋىلعا قوناق بوپ كەلگەن توناۋشىنىڭ جالعىزىلىكتى قاريانىڭ قالتاسىندا اقشا بارىن قايدان بىلگەنى بەلگىسىز.

كۇدىكتى ساسقالاقتاپ ءجۇرىپ، ءبىر قولعابىن وقيعا ورنىندا ءتۇسىرىپ الادى. وسى قولعاپ ونىڭ سوڭىنا تۇسۋگە سەبەپكەر بولعان.

ءقازىر بويجەتكەنگە بۇلتارتپاۋ شاراسى قولدانىلۋدا. ول ءوز كىناسىن تولىق مويىنداعان. شقو ىشكى ىستەر دەپارتامەنتىنىڭ باسپا ءسوز قىزمەتىنىڭ حابارلاۋىنشا، كۇدىكتىگە قاتىستى قىلمىستىق كودەكستىڭ 191 بابى بويىنشا سوتالدى تەرگەۋ جۇمىستارى تاعايىندالدى.