قازاقستان قىتايعا نوتا جولدادى دەپ حابارلايدى Qamshy.kz اقپارات اگەنتتىگى 31 ارنانىڭ جاڭالىقتار قىزمەتىنە سىلتەمە جاساي وتىرىپ. پرەزيدەنتتىڭ تىكەلەي تاپسىرماسىنەن كەيىن 237 كۇن وتكەن سوڭ عانا قىتايدا قىسىم كورىپ جاتقان قازاقتاردىڭ ماسەلەسىنە قاتىستى قازاقستان ۇكىمەتى وسىنداي قادامعا بارىپ وتىر. جۇڭگو تاراپى قانداي شەشىم قابىلدار ەكەن؟ شەكارانىڭ ار جاعىندا قىسىم كورىپ، كەيبىرى قامالىپ جاتقان قانداستارىمىزدىڭ تۋىستارى بۇل شەشىمدى اسىعا كۇتەتىنى انىق.

جۇڭگو قازاقتارى قىسىم كورىپ جاتىر دەگەن ماسەلەنى بيىك مىنبەردە العاش رەت گەرمانياداعى قانداسىمىز ايتقان ەدى. پرەزيدەنت «بۇل جاعداي تۋرالى ەندى ەستىپ وتىرمىن» دەپ سول جەردە سىرتقى ىستەر مينيسترىنە تاپسىرما بەرگەن بولاتىن.

الايدا، سودان بەرى شەشىمى تابىلماق تۇگىلى، قىتايدا قۋدالانعان جاقىندارىنا اراشا ىزدەگەندەردىڭ سانى ارتپاسا كەمىمەگەنى انىق. ولار بىرنەشە رەت جينالىپ، ۇكىمەتكە ارىزدارىن جەتكىزبەك تە بولعان.

– ول مالىمەتتەر راستالعان سوڭ جۇڭگو تاراپىنا رەسمي تۇردە، ديپلوماتيالىق ارنالار ارقىلى ديپلوماتيالىق نوتا جىبەردىك. سونىمەن قاتار، بەيجىڭدەگى ەلشىلىگىمىز، ۇرىمجىدەگى پاسپورتتىق-ۆيزالىق قىزمەتتىڭ وكىلدەرى جۇڭگو تاراپىمەن تىعىز جۇمىس ىستەپ جاتىر،- دەيدى ق ر سىرتقى ىستەر ءمينيسترى قايرات ءابدىراحمانوۆ.