الماتىنىڭ كولىك باعىتتارىندا گازبەن جۇرەتىن «Mercedes-Benz» اۆتوبۋسى تەستەن وتەدى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساپ. 

نەمىستىڭ «Daimler AG» كونسەرنى الماتىنىڭ تاسىمالداۋشىلارىنا گازبەن جۇرەتىن اۆتوبۋستى كولىك باعىتتتارىندا تەستەن وتكىزۋدى ۇسىندى. جۇمىس ساپارى بارىسىندا مەگاپوليس اكىمى باۋىرجان بايبەك «ەۆرو-6» ەكولوگيالىق سىنىپقا جاتاتىن «Mercedes-Benz» ماركالى اۆتوبۋستاردى كوردى.

بۇل اۆتوبۋستىڭ باستى ەرەكشەلىگى،«Daimler AG» كوسەرنى ۇتىمتى گاز دۆيگاتەلدەرىن جاسايتىن الەمدەگى جالعىز كومپانيا بولىپ تابىلادى، ال قالعاندارىنىڭ بارلىعى ديزەلدى دۆيگاتەلدەردە گاز قوندىرعىلارىن پايدالانادى. ۇزىندىعى 12 مەترلىك تومەن ەدەندى اۆتوبۋس كونديسيونەرمەن، پاندۋسپەن، ينفراقىزىل ساۋلەلەردى وتكىزبەيتىن اينەكپەن جابدىقتالعان، ونىڭ سىيىمدىلىعى 100 جولاۋشىدان استام، دىبىسى دا تومەن ءارى ءجۇرىسى وتە بيىك دەڭگەيدە.

«تاۋەلسىزدىك جىلدارى قالادا 20 اۆتوپارك جۇمىس ىستەگەنىمەن، سالانى دامىتۋعا قارجى بولىنبەدى، ونىڭ باسىم بولىگى كولەڭكەلى سەكتوردا بولدى، ءبىراق قازىرگى كەزدە كەمشىلىكتەر جويىلىپ، جاۋاپكەرشىلىكتەرىن جەتە تۇسىنەتىن كومپانيالاردىڭ قانات جايۋىنا مۇمكىندىكتەر جاسالۋدا، جاريالىلىق ارتۋدا. «Mercedes-Benz» ماركالى كولىكتەر بارىنشا ساپالى ءارى باعاسى دا جوعارى، قالالىقتار ءتيىستى سەرۆيس بولسا قوعامدىق كولىكتى پايدالانۋعا نيەتتى. سوندىقتان ەكونوميكالىق تۇرعىدان العاندا كومپانيانىڭ بولاشاعى بار»، - دەپ اتاپ ءوتتى باۋىرجان بايبەك.

قازاقستانداعى «Daimler AG» كونسەرنى رەسمي ديستريبيۋتەرىنىڭ وكىلى اندرەي كۋناح الماتىداعى جولاۋشىلار تاسىمالىنا نەمىس وندىرۋشىلەرىنىڭ قىزىعۋشىلىق تانىتقانىن جەتكىزدى.

«كومپانيا قالادا وڭ وزگەرىستەر جاساۋدا، نارىق بارىنشا اشىق بولا باستادى ءارى قالا اكىمدىگى تاراپىنان قولداۋ كورسەتىلۋدە. «Mercedes» اۆتوبۋس تەستەن وتكىزۋ بولاشاقتى ىنتىماقتاستىقتىڭ باسى دەپ ويلايمىن»، - دەپ اتاپ ءوتتى اندرەي كۋناح.

گازبەن جۇرەتىن اۆتوبۋس ءۇش اي بويىنا «الماتىەلەكتروترانس» ج ش س قىزمەت كورسەتەتىن №12 باعىتتا جانە «Green Bus Company» ءجشس-تىڭ ءبىر باعىتىندا جۇرەتىن بولادى.

«وسى ماركىدەگى اۆتوبۋستار كوپتەگەن ەلدەردە جاقسى جاعىنان كورىندى، وزگەلەرگە قاراعاندا وسى كولىكتى شىعاۋشىلارعا ۇزاق كەپىلدىك بەرىلۋدە ءارى بۇلاردىڭ سەرۆيستىك قىزمەتى دە جاقسى. قازىرگى كەزدە ءبىز الماتى جاعدايىندا اۆتوبۋستاردى تەستىلەۋدەن وتكىزىپ، ونىڭ قورىتىندىسى بويىنشا ناقتىلى شەشىم شىعارامىز. جىلجىمالى سوستاۆتى جاڭارتقان تاسىمالداۋشىلارعا اكىمدىك تاراپىنان سۋبسيديا تولەنەتىنىن، ال گازبەن جۇرەتىن كولىك سۋبسيدياسى سوماسىنىڭ جوعارى بولاتىنىن ەسكەرسەك، وندا «مەرسەدەس» ماركالى اۆتوبۋستارمەن ءوز اۆتوپاركىمىزدى جاڭارتۋدى نەگىزگى ۆاريانتتاردىڭ ءبىرى دەپ بىلەمىز»، - دەپ اتاپ ءوتتى «Green Bus Company» ج ش س ديرەكتورى باۋىرجان كۋليشيەۆ.

ەسكە سالساق، الماتىدا №12، 22، 50، 56، 65، 69، 70، 86، 95، 103، 112، 115، 124، 126، 127، 131، 137 باعىتتارى بويىنشا جاڭا اۆتوبۋستار جولعا شىعىپ، №77 باعىت قايتا جاڭارىپ، №1 باعىت پەن №201 ماگيسترالدى باعىتى اشىلعان ەدى. كورشى وبلىستان قالاعا قوسىلعان ەلدى مەكەندەردى كولىكپەن تولىق قامتۋ ءۇشىن 10 باعىت اشىلعان بولاتىن.