اعىمداعى جىلدىڭ 16 اقپانىندا اقوردادا ق ر پرەزيدەنتى اكىمشىلىگىنىڭ باسشىسى ءا.جاقسىبەكوۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسى بولىپ ءوتتى، دەپ جازادى Qamshy.kz اقپارات اگەنتتىگى. 

كەڭەستىڭ جۇمىس كۇن ءتارتىبى مەملەكەتتىك ورگانداردىڭ رەسپۋبليكالىق جانە وڭىرلىك دەڭگەيلەردە «رۋحاني جاڭعىرۋ» باعدارلاماسىن ىسكە اسىرۋ شەڭبەرىندەگى قىزمەتىنىڭ ناتيجەلەرىن تالقىلاۋ ماسەلەلەرىن قامتىدى.

ءا.جاقسىبەكوۆ ءوز سوزىندە باعدارلامانى ىسكە اسىرۋدىڭ جاڭا كەزەڭىندە وسى قارقىننان تانباي، كەلەشەكتىڭ ايقىن كورىنىسىن انىقتاپ الۋدىڭ ماڭىزدى ەكەنىن اتاپ ءوتتى.

نەگىزگى باياندامالاردى و.ورازالين، ا.بالايەۆا، د.ابايەۆ، ا.مۇحامەدي ۇلى جاسادى.

بەينەكونفەرەنسبايلانىس رەجيمىندە الماتى جانە اتىراۋ وبلىستارى باسشىلارىنىڭ باياندامالارى تىڭدالدى.

كەڭەس قورىتىندىسى بويىنشا ۇلتتىق كوميسسيا ءتوراعاسى باعدارلامانىڭ ىسكە اسىرىلۋ بارىسى مەملەكەت باسشىسىنىڭ تاراپىنان ەرەكشە باقىلاۋدا ەكەنىنە، سونداي-اق بارلىق جوسپارلانعان جوبالاردى ساپالى ىسكە اسىرۋدىڭ جانە ولاردىڭ «رۋحاني جاڭعىرۋ» باعدارلاماسىنىڭ ماقساتتارى مەن مىندەتتەرىنە تۇجىرىمدامالىق سايكەس بولۋىنىڭ قاجەتتىگىنە باسا كوڭىل ءبولدى.

وڭىرلەر باسشىلارىنا باعدارلامانىڭ بارلىق باعىتتارى بويىنشا جۇمىستى جانداندىرۋ، سونىڭ ىشىندە «قازاقستاننىڭ كيەلى گەوگرافياسى»، «تۋعان جەر» جوبالارىنىڭ ىسكە اسىرىلۋىن ەرەكشە باقىلاۋعا الۋ، ولكەتانۋدى دامىتۋعا جانە جەرگىلىكتى شىعارماشىلىق ۇجىمدارعا قولداۋ كورسەتۋدى قامتاماسىز ەتۋ جونىندە ناقتى تاپسىرمالار بەرىلدى.

«رۋحاني جاڭعىرۋ» باعدارلاماسىن ىسكە اسىرۋدىڭ 2017 جىلعى نەگىزگى قورىتىندىلارى

- قازاقستان رەسپۋبليكاسى پرەزيدەنتىنىڭ جارلىعىمەن قازاق ءتىلىنىڭ لاتىن گرافيكاسىنا نەگىزدەلگەن ءالىپبيى بەكىتىلدى.

-  ق ر ۇكىمەتىنىڭ جانىنداعى قازاق ءتىلىن لاتىن گرافيكاسىنا كەزەڭ-كەزەڭىمەن كوشىرۋ جونىندەگى ۇلتتىق كوميسسيا قۇرىلدى.

«جاڭا گۋمانيتارلىق ءبىلىم. 100 جاڭا وقۋلىق» جوباسى شەڭبەرىندە «ۇلتتىق اۋدارما بيۋروسى» كوممەرسيالىق ەمەس قور قۇرىلىپ، الەۋمەتتىك-ەكونوميكالىق جانە گۋمانيتارلىق ءبىلىم سالاسىنداعى الەمنىڭ 17 ۇزدىك وقۋلىعى مەملەكەتتىك تىلگە اۋدارىلدى جانە سيفرلاندىرىلدى.

- «قازاقستاننىڭ 100 جاڭا تۇلعاسى» جوباسى شەڭبەرىندە جالپىحالىقتىق ونلاين داۋىس بەرۋ 102 جەڭىمپازدى انىقتادى. داۋىس بەرۋگە بارلىعى 340 مىڭ قازاقستاندىق قاتىسىپ، ءوز فاۆوريتتەرىنە 1 ملن. 376 مىڭ داۋىس بەردى. 2017 جىلعى 1 جەلتوقساندا مەملەكەت باسشىسىنىڭ جوباعا قاتىسۋشىلارمەن كەزدەسۋى وتكىزىلدى.

- «قازاقستاننىڭ كيەلى گەوگرافياسى» جوباسى شەڭبەرىندە جالپىۇلتتىق جانە جەرگىلىكتى كيەلى ورىنداردى ىرىكتەۋ جانە جۇيەلەندىرۋ جونىندەگى عىلىمي-ساراپتامالىق كەڭەس قۇرىلدى؛ جالپىۇلتتىق جانە وڭىرلىك ماڭىزعا يە نىسانداردىڭ ءتىزىمى ازىرلەندى؛ جالپىۇلتتىق ماڭىزعا يە كيەلى نىساندار بويىنشا 3d تۋرلى كيەلى نىسانداردىڭ ۆيرتۋالدىق كارتاسى ازىرلەندى.

- «تۋعان جەر» جوباسى شەڭبەرىندە جالپى رەسپۋبليكا بويىنشا 700-دەن استام جوبا ىسكە اسىرىلدى؛ مەسەناتتار ەسەبىنەن 51 ملرد. تەڭگەدەن استام دەمەۋشىلىك كومەك الىندى؛ 735 نىسان اباتتاندىرىلدى جانە قالپىنا كەلتىرىلدى. «تۋعان جەر» جوباسى بويىنشا جالپى 1438 نىسان پايدالانۋعا بەرىلدى.

- «جاھانداعى زاماناۋي قازاقستاندىق مادەنيەت» جوباسى بويىنشا قازاقستاننىڭ تاۋەلسىزدىگى كەزەڭىندە جاسالعان قازاقستاندىق مادەنيەت تۋىندىلارى جيناقتالىپ، جۇيەلەندىرىلدى.

2017 جىلى پاريجدەگى UNESCO شتاب-پاتەرىندە «رۋحاني جاڭعىرۋ» باعدارلاماسىنىڭ تانىستىرىلىمى بولىپ ءوتتى. تانىستىرىلىم شەڭبەرىندە شەتەلدىك اۋديتورياعا قازاقستاندىق مادەنيەتتىڭ ءتۇرلى باعىتتارىن ايشىقتايتىن ءارتۇرلى ءىس-شارالار وتكىزىلدى.

وتاندىق تەاترلاردىڭ، مۋزەيلەردىڭ جانە مۋزىكالىق ۇجىمداردىڭ قاتىسۋىمەن جالپى 20 شاقتى شەتەلدىك گاسترولدەر، كورمەلەر جانە باسقا دا مادەني ءىس-شارالار ۇيىمداستىرىلدى.

حالىقارالىق جانە تەاتر فەستيۆالدەرى مەن ورىنداۋشىلىق ونەر فەستيۆالدارىنىڭ 27 ديرەكسياسىمەن كەلىسسوزدەر ءوتتى. قازاقستاندىق مەملەكەتتىك تەاترلاردىڭ حالىقارالىق فەستيۆالدارعا قاتىسۋ كەستەسى جاسالدى.

وتاندىق كينەماتوگرافتى دارىپتەۋ ماقساتىندا اقش پەن يتاليادا قازاقستان كينوسى كۇندەرى وتكىزىلىپ، 7 كينوكارتينا كورسەتىلدى.

ۇزدىك قازاقستاندىق مۋزىكالىق تۋىندىلارعا سيفرلى فورماتتاعى قولجەتىمدىكتى قامتاماسىز ەتەتىن Dalatunes – ينتەرنەت-رەسۋرس جوباسى ىسكە اسىرىلدى. 2017 جىلدىڭ ىشىندە 13 مىڭ مۋزىكالىق تۋىندى، 1،2 مىڭ نوتا جانە 1،7 مىڭ اككورد جۇكتەلگەن.

جاڭا تالانتتى اۆتورلار مەن تۋىندىلاردى ايقىنداۋدى كوزدەيتىن ءبىرىنشى «رۋح» حالىقارالىق ادەبي كونكۋرسى ۇيىمداستىرىلدى.

رەسپۋبليكالىق جانە وڭىرلىك دەڭگەيلەردە مۋزەي قورلارىن سيفرلاندىرۋ جۇمىسى بەلسەندى جۇرگىزىلۋدە.

ءا.قاستەيەۆ اتىنداعى مەملەكەتتىك ونەر مۋزەيىندە 13 700 ساقتاۋ بىرلىگى سيفرلاندىرىلدى. ق ر ورتالىق مەملەكەتتىك مۋزەيىندە 39 602 بىرلىك سيفرلاندىرىلدى.

قوستاناي وبلىسىندا ەكسپوناتتاردىڭ 24،5%،                             اقتوبە وبلىسىندا – 23%، اتىراۋ وبلىسىندا – 20%، قاراعاندى وبلىسىندا – 19%، اقمولا وبلىسىندا – 18%، ماڭعىستاۋ وبلىسىندا – 14،8% سيفرلى فورماتقا كوشىرىلدى. 

- جالپى ارنايى جوبالاردى ىسكە اسىرۋ شەڭبەرىندە عىلىمي-ساراپتامالىق قوعامداستىقپەن جانە جوعارى وقۋ ورىندارى وكىلدەرىمەن جۇمىس ۇيىمداستىرىلدى. بارلىق وڭىرلەردە جەتەكشى جوعارى وقۋ ورىندارى بازاسىندا تانىمال عالىمداردىڭ، قوعام قايراتكەرلەرىنىڭ قاتىسۋىمەن ساراپتامالىق كەڭەستەر جۇمىس ىستەيدى. 2017 جىلى جوعارى وقۋ ورىندارى 99 عىلىمي ەكسپەديسيا ۇيىمداستىرىپ، جۇمىس قورىتىندىلارى بويىنشا 264 ماقالا جاريالاندى.

32 جوعارى وقۋ ورنىندا قوعامدىق سانانى جاڭعىرتۋ باعدارلاماسى تاقىرىبى بويىنشا ەلەكتيۆتىك كۋرستار ەنگىزىلدى. اتالعان كۋرستاردى وقيتىن ستۋدەنتتەردىڭ سانى شامامەن 45 مىڭ ادام. «رۋحاني جاڭعىرۋ» باعدارلاماسى تاقىرىبى بويىنشا 292 شىعارماشىلىق جانە عىلىمي جوبا ىسكە اسىرىلدى.

جوعارى وقۋ ورىندارىنىڭ ستۋدەنتتەرى مەن ماگيسترانتتارى رۋحاني جاڭعىرۋدىڭ ءتۇرلى اسپەكتىلەرى بويىنشا 1115 ديپلوم جۇمىستارى مەن ماگيسترلىك ديسسەرتاسيالار دايىندادى.