بۇگىن الماتى وبلىسى ۇيعىر اۋدانىنىڭ شونجى اۋىلىنداعى 5 مەكتەپتە اۋعان سوعىسىنىڭ ارداگەرلەرىمەن كەزدەسۋ ءوتتى، دەپ جازادى Qamshy.kz اقپارات اگەنتتىگى.

كەزدەسۋدىڭ ماقساتى - كەڭەس اسكەرلەرىنىڭ اۋعان جەرىنەن شىعارىلعانىنا 29 جىل تولۋىنا وراي اۋعان سوعىسى ارداگەرلەرىنە قۇرمەت كورسەتۋ، ولاردىڭ ەرلىكتەرىن ەسكە الۋ. كەزدەسۋ كەشى اۋعان سوعىسىندا قازا تاپقان ۇعلانداردى ەسكە الۋ ماقساتىندا ءبىر مينۋتتىق ۇنسىزدىك جاريالاندى.

اتالعان كەشتە الماتى وبلىسى ۇيعىر اۋدانى شوڭجى اۋىلىنىڭ مەكتەپ ديرەكتورى يسمايلوۆ م.م.، اۋعان-ارداگەرلەرى اليكبايەۆ س.د.، تايچيبەكوۆ ج.ت.، شوڭجى اۋىلى قورعانىس ىستەرى جونىندەگى ءبولىمى باستىعى مايور گاپپاروۆ س.س. جانە مەكتەپ وقۋشىلارى قاتىستى. ۇيعىر اۋدانىنان اۋعان سوعىسىنا 30 جاۋىنگەر كەتىپ، 29-ى سوعىستان امان-ەسەن ورالدى. ءبىر جاۋىنگەر xابار-وشارسىز ورالماعان. الماتى وبلىسى ۇيعىر اۋدانىنىڭ قورعانىس ىستەرى جونىندەگى بولىمىندە 23 جاۋىنگەر-ينتەرناسيوناليست اسكەري ەسەپتە تۇر. كەش بارىسىندا ارداگەرلەر وقۋشىلارعا پاتريوتتىق سەزىمنىڭ ءارقاشان بولۋىن، ەلىمىزدە ەشقاشان سوعىس بولماۋىن، جاستاردىڭ وتاندى قورعاۋ پارىزى ەكەندىگىن ەستە شىعارماۋىن تىلگە تيەك ەتتى. اۋعان سوعىسى كەزىندەگى ۇعلانداردىڭ ەرلىكتەرىن ەسكە الدى. كەش سوڭى ونەرپاز وقۋشىلاردىڭ كونسەرتىمەن اياقتالدى.

نوۆيكوۆا كريستينا