16 اقپاندا پارلامەنت ءماجىلىسىنىڭ دەپۋتاتتارى، ق ر اۋىل شارۋاشىلىعى مينيسترلىگىنىڭ وكىلدەرى جانە قوعام بەلسەندىلەرى جەر تۋرالى زاڭ جوباسىن تالقىلاعان بولاتىن. قوعامدىق تىڭداۋدى جۇرگىزگەن مۇحتار تايجان ءوزىنىڭ Facebook پاراقشاسىندا جيىنعا قورىتىندى جاسادى، دەپ حابارلايدى Qamshy.kz اقپارات اگەنتتىگى.

(اۆتوردىڭ ەملەسى ساقتالدى – Qamshy.kz)

"بۇل جيىندى مەن ارانداتۋ-انونيمكا حات پايدا بولعاننان كەيىن وتكىزەم دەپ شەشتىم. جەر تۋرالى جاڭا زاڭىن بيلىكتىڭ وكىلدەرى جانە حالىققا تانىمال تۇلعالار بىرگە جينالىپ تالقىلاسىن، دەپ. سوندا عانا بۇل زاڭ حالىققا ايقىن بولادى. "مەن بارىپ تىڭدايىن" دەيتىندەرگە ەسىك اشىق بولدى.

جالپى جيىن وتە پايدالى بولدى دەپ سانايمىن. زاڭنىڭ جاساۋشىلارى (اشم، ۆيسە-مينيسترى ەرلان نىسانبايەۆ، جەر كوميتەتى ءتوراعاسىنىڭ ورىنباسارى گۇلجاحان بيمەندينا)، قابىلداۋشىلارى (پارلامەنت دەپۋتاتتارى ساپارحان وماروۆ پەن بەرىك وسپانوۆ)، زاڭنىڭ وپپونەنتتەرى (ايدىن ەگەۋبايەۆ پەن انتون فابرىي)، تاۋەلسىز زاڭگەر-ساراپشىلارى (ابزال قۇسپان پەن باكىتجان بازاربەك) ءارقايسى 10 مينۋتتىك باياندامالارىن جاساپ بەردى. راحمەت ايتام!

ءارى قاراي تالقىلاۋ باستالدى. ءسوز سويلەگەندەر - ساعات ءجۇسىپ - جيىندى اشتى، رىسبەك سارسەنباي (الماتى)، ەرمۋرات باپي (الماتى)، ەرلان كالييەۆ (الماتى)، دوس كوشىم (قىزىلوردا)، بولات نۋرحوجايەۆ (قىزىلوردا)، جانىبەك قوجىق (ماڭعىستاۋ)، ۋايس ەرسايىن ۇلى (Uais Yersaiynuly) (ماڭعىستاۋ)، لۋكپان احمەدياروۆ (ورال)، نۇرلان ءسادىر (ورال)، يساتاي ۋتەپوۆ (Isatai Utepov) (ورال)، Ruza Beisenbai Tegi (كەرەكۋ)، جەكسەن ابدراحمانوۆ (قاراعاندى)، نۇرلىبەك قۋاڭبايەۆ (Nurlybek Kuanbaev) (جەلتوقسانشى)، ايگۇل ورىنبەك (شىمكەنت)

كوپ ورىندى ۇسىنىس-ويلار ايتىلدى. ءبارى وراتورلار ءبارىمىز الدىن الا كەلىسكەن 5 مينۋتتىك رەگلامەنتىمىزدى جانە جيىننىڭ كۇن-تارتىبىن ساقتاپ سويلەدى. تەك قانا رىسبەك سارسەنباي اعامىز وعان قاراماستان 25 مين سويلەدى، ياعني 5 ادامنىڭ ۋاقىتىن جالعىز وزىنە جۇمسادى.

جيىننىڭ مودەراتورى بولعاننان كەيىن مەن بىر-ەكى رەت بۇنى ەسكەرتتىپ ايتتىم، باسقالارعا ۋاقىت جەتىسپەيدى، دەپ. ءبىراق رىسبەك اعام مەنى تىڭداعان جوق. اقىرى ءدال سولاي بولدى، ءبىز قوناق ۇيدە جالداعان ۋاقىت ءبىتتى، جينالىسقا ءوز ەركىمەن كەلگەن ادامدارعا ءسوز سويلەۋگە ۋاقىت جەتىسپەي قالدى. مەنىڭشە، دەموكراتيا - ول باسقا ادامداردىڭ دا قۇقىقتارىن بۇزباي، قۇرمەتتەۋدى ءبىلۋ. جانە الدىن الا كەلىسكەن شارتتاردى ورىنداۋ، مويىنداۋ.

ال شىنى كەرەك كەيبىر ادامدارعا ۋاقىت بولسا دا ءسوز بەرمەس ەدىم. قاسيەتتى جۇمادا كيەلى جەر ماسەلەسىن قوعاممەن بىرگە تالقىلاۋعا اراققا تويىپ الىپ كەلۋگە بولا ما؟ مەن جەلتوقسانشى قۇرمانعازى راحمەتوۆتى ايتىپ وتىرمىن. جاستارعا نە ۇلگى كورسەتىپ وتىرسىزدار، اعالار؟ ۇيات ەمەس پە ءوزى؟ ارينە مەن ماس ادامعا ءسوز بەرمەدىم، سول ءۇشىن جيىننىڭ سوڭىندا قۇرەكەڭنىڭ مەنىمەن توبەلەسكىسى كەلدى) ءسوز جوق.

باسقالار، ساليم وتەن سەكىلدى، تريبۋنانىڭ قاسىندا وتىرىپ الىپ، بايانداماۋشىلارعا ارنايى كەدەرگى جاساپ وتىردى. بۇنداي كاسىبي پروۆوكاتورلىق ارەكەتتەرگە نەگە باراسىزدار، اعالار؟ نەگىزى، جيىننىڭ ۆيدەو جازباسىن مىڭداعان-مىڭداعان ادام كورىپ وتىر. سوندا حالىق كىم كىم ەكەنىن، كەي بەلسەندىلەردىڭ ينتەللەكتۋالدى دەڭگەيى قانداي، ءوز كوزىمەن كورىپ وتىر. ول دا جيىننىڭ ۇلكەن پايداسى دەپ سانايمىن.

ءسوزدىڭ قىسقاسى، ءوزىم مىنانداي قورىتىنعا كەلدىم. ەندى مەنىڭ ۇيىمداستىرۋىمەن وتەتىن بۇنداي وتىرىستار جابىق ەسىكپەن وتەدى. زالعا ادام تەك قانا ءتىزىم بويىنشا كىرەدى. باسقالار ۇيدە كومپتىڭ الدىندا تىكەلەي ەفيرمەن قاراپ وتىرسىن، مادەنيەتكە ۇيرەنسىن كىشكەنە.

ءبىراق جيىننىڭ ناقتى جاقسى ناتيجەلەرى دە بار. تۇستەن كەيىن اشم ۆيسە-مينيسترى - نىسانبايەۆ مىرزا ماعان حابارلاسىپ ابزال قۇسپاننىڭ، باحىتجان بازاربەكتىڭ تەل سۇراپ وزىنە شاقىردى. ابزالدىڭ ايتۋىنشا، ولار كەشە 18.00-20.00 جەر زاڭىن تالقىلاپ وتىردى. ول وتە جاقسى، اعايىن. جەر ماسەلەسىمەن كاسىبي، حالىق سەنەتىن، ءبىلىمدى زاڭگەرلەر اينالىسۋ كەرەك.

جەر - جالپى ۇلتتىق قازىناسى. بيلىكتە وتىرعاندار دا مارسياندار ەمەس، ولاردىڭ دا قانى قازاق. جەرگە كەلگەندە سەن بيلىكسىڭ، مەن وپپوزيسيا دەپ بولىنبەي، حالىققا قاجەت جۇمىستى بىرىگىپ اتقارۋ كەرەك. ايقىن عوي، بيلىكسىز نە زاڭ قابىلداي المايسىڭ، نە بۇل زاڭدى ورىنداتا المايسىڭ. ال قازاققا نە كەرەك؟ جەر كەرەك! سوندىقتان كەشەگى بيلىكپەن بىرگە وتكەن جيىنىمىز سالماقتى، ورتاق، حالىققا پايدالى، ساۋاتتى، ناقتى جۇمىستىڭ باسى عانا بولسىن، اعايىن! ويىم وسى"، - دەيدى بەلگىلى ەكونوميست، قوعام قايراتكەرى مۇحتار تايجان.

جيىننان كەيىن قوعام بەلسەندىسى ايگۇل ورىنبەك تە جەردىڭ ساتىلمايتىنىنا جانە جالعا بەرىلمەيتىنىنە سەنىم ءبىلدىردى.

(اۆتوردىڭ ەملەسى ساقتالدى –Qamshy.kz)

"جەر ساتىلمايدى، جەر ارەنداعا بەرىلمەيدى! جينالىسقا بارىپ ويىمدى تولىق ايتا المادىم! سەبەبى كەيبىر ەل الدىندا جۇرگەن اعالاردىڭ ماسكاسى شەشىلدى. بۇنداي جيىنعا اراق ءىشىپ كەلىپ، اۋزىنا كەلگەنىن قۇسۋ بۇل ناعىز ناداندىقتىڭ بەلگىسى. بۇنداي اعالارىمىز جەرگە جانى اشىپ جۇرگەن جوق! جاستاردى الدىنا سالىپ قويىپ، وتىرىك ۇلتجاندى بولىپ جۇرگەن اعالارىمىزدىڭ شىنايى بەينەلەرىن كورۋ قانداي جيىركەنىشتى دەسەڭشى! باسقا ەلدەر دامىپ جاتىر دەپ ايقايلايمىز. ارينە داميدى ولار ءبىر ءبىرىن تىڭداي بىلەدى. ال بىزدە شە؟ ءبىرىن ءبىرى تىڭدامايدى، ءتىپتى سىيلامايدى. پىكىر ايتىپ وتىرساڭ "اۋزىڭدى جاپ مال ەۋ!"- دەدى جاڭا جاسى كەلگەن اعامنىڭ بىرەۋى. وسى ما سەنىڭ ۇلتجاندىلىعىڭ!؟ وركەنيەتتى ەلدەر قالاي دامىپ جاتىر ؟! يادرولىق قارۋ دامىعان زاماندا شيەلەنىستەر بەيبىتشىلىك تۇردە شەشىلگەن دۇرىس. ءبىراق ءبىزدىڭ كەيبىر اعالار وندايعا دايىن ەمەس سياقتى. جەر كوميسسياسىنىڭ جۇمىسى جالعاسۋ كەرەك! پروۆاكاسياعا ەرمەڭىزدەر!" - دەپ جازدى ايگۇل ورىنبەك.