وسى اپتادا الماتى قالاسى قورعانىس ىستەرى جونىندەگى دەپارتامەنتىنىڭ اسكەري قىزمەتشىلەرى "ۇيىمداردا اسكەري ەسەپكە اللۋدى جۇرگىزۋ" تاقىرىبىندا سەمينار ۇيىمداستىردى، دەپ جازادى Qamshy.kz اقپارات اگەنتتىگى.

اسكەري ەسەپكە الۋ ءتارتىبىن ايقىندايتىن نەگىزگى نورماتيۆتىك قۇقىقتىق قۇجات پەن اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە الۋ قاعيدالارىن الماتى قالاسى قورعانىس ىستەرى جونىندەگى دەپارتامەنتىنىڭ وكىلى پودپولكوۆنيك ميxايليچەنكو ەگور ءتۇسىندىردى. سەميناردىڭ ماقساتى مەن مىندەتى - اسكەري ەسەپكە الۋدىڭ ماقساتى مەملەكەتتىڭ قورعانىسىن جانە قاۋىپسىزدىگىن قامتاماسىز ەتۋ ءۇشىن اسكەرگە شاقىرىلۋشىلار مەن اسكەري مىندەتتىلەردى ءتيىمدى پايدالانۋ مۇددەلەرىندە ولاردىڭ بار بولۋىن ايقىنداۋ. سەميناردا مىناداي ماسەلەلەر قامتىلدى: - اسكەري ەسەپكە الۋدىڭ تۇرلەرى؛ - ازاماتتاردىڭ اسكەري قىزمەت تۋرالى زاڭدى جانە اسكەري ەسەپكە الۋ قاعيدالارىنىڭ ورىنداۋىنا باقىلاۋ؛ - ت-2 جەكە كارتوچكاسىن راسىمدەۋ جانە تولتىرۋ؛ - "اسكەري مىندەتتىلەرمەن اسكەري جيىندارىنا" ۇيىمداردىڭ قىزمەتكەرلەرىن تارتۋ ءتارتىبى. سونىمەن قاتار اتالعان سەمينارعا 5000 ادامدى قۇرايتىن ءىرى كومپانيالار مەن ۇيىمداردىڭ باسشىلارى مەن كادر ءبولىمىنىڭ قىزمەتكەرلەرى قاتىستى.

اتاپ ايتاتىن بولساق، "الماتى ەنەرگەتيكا جانە بايلانىس ۋنيۆەرسيتەتى" اق، سانكت-پەتەربۋرگ ۋنيۆەرسيتەتى، "الماتى جىلىتۋ جەلىسى" ج ش س، "ەۆرازيا فۋدس كورپورەيشن" اق، “Galanz bottlers” اق، "امريتا ساۋدا ءۇيى" ج ش س لاۋازىمدى تۇلعالار قاتىستى.

سەميناردا ۇيىمداردىڭ باسشىلارى جەتى جۇمىس كۇنىنىڭ ىشىندە جەرگىلىكتى اسكەري باسقارۋ ورگاندارىنا اسكەري مىندەتتىلەردىڭ، اسكەرگە شاقىرىلۋشىلار مەن اسكەرگە شاقىرۋ جاسىنا دەيىنگىلەردىڭ ساندىق جانە ساپالىق قۇرامىن راستايتىن قۇجاتتاردى ۇسىنۋ كەرەكتىگى ايتىلدى. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 642- بابىنا سايكەس باستاپقى اسكەري ەسەپكە قويۋعا نە اسكەرگە شاقىرۋ ۋچاسكەلەرiنە تiركەلۋگە جاتاتىن ازاماتتاردىڭ تiزiمدەرiن بەلگىلەنگەن مەرزىمدە جەرگiلiكتi اسكەري باسقارۋ ورگانىنا ۇسىنباۋ نەمەسە ۋاقتىلى ۇسىنباۋ - ۇيىمداردىڭ، وقۋ ورىندارىنىڭ لاۋازىمدى ادامدارىنا، سونداي-اق تۇرعىن ۇيلەردi پايدالانۋدى جۇزەگە اسىراتىن ۇيىمداردىڭ لاۋازىمدى ادامدارىنا جانە ءۇي يەلەرiنە – ون، ۇيىمداردىڭ، وقۋ ورىندارىنىڭ ءبىرىنشى باسشىلارىنا – ون بەس، شاعىن كاسىپكەرلىك سۋبەكتىلەرىنە – جيىرما، ورتا كاسiپكەرلiك سۋبەكتiلەرiنە – وتىز، iرi كاسiپكەرلiك سۋبەكتiلەرiنە قىرىق ايلىق ەسەپتiك كورسەتكiش مولشەرىندە ايىپپۇل سالۋعا اكەپ سوعاتىنىن ەسكەرتتى.

الداعى ۋاقىتتا دا وسىنداي سەمينارلار وتكىزىلمەك.

قارلىعاش مۇسابەك قىزى