شىعىس قازاقستان وبلىسىنان 17 سپورتشى الداعى 9-25 اقپان ارالىعىندا وڭتۇستىك كورەيانىڭ پحەنچحان قالاسىنداوتەتىن XXIII قىسقى وليمپيادا ويىندارىنا قاتىسۋعا ۇمىتكەر. جالپى بيىلعى اق وليمپيادادا الەمنىڭ 80 ەلىنەن جينالعان بەس مىڭنان استام سپورتشى 102 مەدال جيىنتىعىن ساراپقا سالماق.

بۇل ءدۇبىرلى دوداعا قازاقستاننان بارلىعى 62 ۇمىتكەر، سپورتتىڭ توعىز تۇرىنەن، ونىڭ ىشىندە شىعىس قازاقستاننان 17 ۇمىتكەر، سپورتتىڭ ءتورت تۇرىنەن قاتىسادى دەپ جوسپارلانىپ وتىر. شىعىسقازاقستاندىق ساڭلاقتار نەگىزىنەن فريستايل (موگۋل)، شاڭعى جارىسى، بياتلون جانە شاڭعى تەبۋ سياقتى سايىستاردا ب ا ق سىنايدى. وليمپيادا ويىندارىندا ەل نامىسىن قورعايتىن سپورتشىلاردىڭ ناقتى ءتىزىمى 2018 جىلدىڭ 20 قاڭتارىندا بەلگىلى بولادى.

ۇلتتىق قۇراما ساپىندا ونەر كورسەتەتىن سپورتشىلار: شاڭعى جارىسىنان ەل قۇراماسىنىڭ كوشباسشىسى الەكسەي پولتورانين، بياتلونشى گالينا ۆيشنيەۆسكايا، فريستايلدان يۋليا گالىشيەۆا، دميتريي رەيحەرد. سونداي-اق، ۇلتتىق قۇرامانىڭ ەڭ جاس مۇشەلەرى اياۋلىم امىرەنوۆا مەن پاۆەل كالماكوۆتىڭ اق وليمپيادادا جۇلدە الۋعا مۇمكىندىكتەرى بار.

ءقازىر بارلىق سپورتشىلار جارىسقا جەكە جوسپار بويىنشا دايىندالۋدا.

ايماق باسشىسى دانيال احمەتوۆتىڭ تاپسىرماسىنا سايكەس وبلىستىق دەنەشىنىقتىرۋ جانە سپورت باسقارماسى بارلىق سپورتشىلارعا ايلىق ەڭبەكاقى تۇرىندە قولداۋ كورسەتۋدە.

– ءبىزدىڭ سپورتشىلار XXIII وليمپيادا ويىندارىندا جاقسى ناتيجە كورسەتەدى دەپ ۇمىتتەنەمىز، - دەدى دانيال احمەتوۆ. – ارينە، حالىقارالىق جارىستاردا جۇلدە العان جاقسى، ءبىراق ەلىشىلىك جارىستارعا دا جەتە كوڭىل ءبولۋ كەرەك. ءبىزدىڭ وبلىستا سپورتشىلارعا قارجىلىق جاعىنان دا، كلۋبتىق دايارلىق جاعىنان دا قولداۋ جاقسى بولا تۇرا قىسقى سپورت تۇرلەرىنەن ەلىمىزدە وتكەن جارىستاردا ەكىنشى ورىنعا ءتۇسىپ قالدىق. نەگە؟ وسى ماسەلەنى جاۋاپتى باسقارما باقىلاۋىنا الىپ، ءتيىستى قورىتىندى شىعارۋى كەرەك.

ايتا كەتەيىك، ەلىمىزدە قىسقى سپورت تۇرلەرى بويىنشا سپارتاكيادا 2017 جىلدىڭ قاڭتار-ناۋرىز ايلارىندا وتكەن. بۇل جارىستا شىعىسقازاقستاندىق سپورتشىلار جالپىكوماندالىق ەسەپتە الماتىلىقتاردى العا جىبەرىپ ەكىنشى ورىندى قاناعات تۇتقان بولاتىن.