اياگوز اۋدانىنىڭ اكىمدىگى، وبلىستىق ءبىلىم باسقارماسى جانە «KazMinerals Aktogay» ج ش س اراسىندا ءۇشجاقتى مەموراندۋمعا قول قويىلدى.
كەلىسىم اياسىندا، اياگوز قالالىق پويتەحنيكالىق كوللەدجى ەندى اقتوعاي كەن ورنىنا مامانداردى ازىرلەمەك.
ق.ر. پرەزيدەنتى ن.ءا.نازاربايەۆتى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن ىسكە اسىرۋ ماقساتىندا اۋدان جاستارى جۇمىسپەن قامتىلىپ، رەسپۋبليكاداعى ءىرى كەن ورىندارىنىڭ ءبىرى كاسىبي ماماندارمەن تولىقپاق. وسى ورايدا اياگوز اۋدانىنىڭ اكىمى باقىتجان باياحمەتوۆ، «KazMinerals Aktogay» ج ش س ديرەكتورى ماركلي پەيدج جانە شقو ءبىلىم باسقارماسى باسشىسىنىڭ مىندەتىن اتقارۋشى سايرانگۇل جۇماديلوۆانىڭ قاتىسۋىمەن ءۇش جاقتىمەموراندۋمعا قول قويىلدى.
قابىلدانعان مەموراندۋم اياسىندا اياگوز قالالىق پوليتەحنيكالىق كوللەدجىنىڭ ماتەريالدىق-تەحنيكالىق بازاسى نىعايىپ، ستۋدەنتتەر كەن بايىتۋ كومبيناتىندا ىس-تاجىريبەدەن وتە الادى. ارتىنشا بىلىكتىلىگىمەن كوزگە تۇسكەن جاس ماماندار اتالمىش كەنورنىندا جۇمىسپەن قامتىلماق.
