دانيال احمەتوۆ وبلىس اكىمى اپپاراتىنىڭ جاڭا باسشىسىن تانىستىردى. ايماق باسشىسىنىڭ وكىمىمەن بۇل قىزمەتكە رينات مۇرات ۇلى وماروۆ تاعايىندالدى.
رينات وماروۆ 1973 جىلى 14 اقپاندا الماتى قالاسىندا دۇنيەگە كەلگەن. 1998 جىلى «بۋحگالتەرلىك ەسەپ جانە اۋديت» ماماندىعى بويىنشا قازاق مەملەكەتتىك اگرارلىق ۋنيۆەرسيتەتىن ءتامامدادى جانە د.قونايەۆ اتىنداعى گۋمانيتارلىق كولىك جانە قۇقىق ۋنيۆەرسيتەتىندە «ەلەكترەنەرگەتيكاسى» ماماندىعى بويىنشا تەحنيكا عىلىمدارىنىڭ ماگيسترى بىلىگىن الدى. عىلىمي اتاعى - ساياسات عىلىمدارىنىڭ كانديداتى.
2011 جىلى «ەرەن ەڭبەگى ءۇشىن» مەدالىمەن، سونداي-اق، ءبىرقاتار مەرەيتويلىق توسبەلگىلەرىمەن ماراپاتتالدى.
ەڭبەك جولىن الماتى وبلىسىنىڭ ستاتيستيكا باسقارماسىندا بيۋدجەتتەر ستاتيستيكا بولىمىندە ەكونوميست بولىپ باستادى. 1999-2003 جىلدار ارالىعىندا «الماتىقالابەزەندىرۋ» اق-نىڭ اتىراۋ، كەيىن استانا قالاسىنداعى فيليالدارىنىڭ ديرەكتورى بولدى. 2004 جىلى «الماتىقالابەزەندىرۋ» جاق ۆيسە-پرەزيدەنتى لاۋازىمىنا تاعايىندالدى. بىرنەشە جىل الماتى اكىمدىگىندە، سونىمەن قاتار استانا اكىمى اپپاراتىندا قىزمەت ەتتى. «استانا – ەنەرگيا» اق باسقارما ءتوراعاسىنىڭ ورىنباسارى، كەيىن الماتى قالاسىندا «ازيا ەنەرگەتيكا كومپانياسى – اەك» ج ش س دامىتۋ جونىندەگى ديرەكتورى مىندەتىن اتقاردى. 2016 جىلدىڭ شىلدەسىندە شقو ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىن باسقاردى. 2017 جىلدىڭ ماۋسىمىندا شىعىس قازاقستان وبلىسى اكىمىنىڭ ورىنباسارى لاۋازىمىنا تاعايىندالدى.
اپپاراتتىڭ جاڭا جەتەكشىسىن تانىستىرعان وبلىس اكىمى دانيال احمەتوۆ ونىڭ كاسىبي شەبەرلىگى مەن مول تاجىريبەسىن اتاپ ءوتتى.
- اپپارات قىزمەتى تىكەلەي ادامي كاپيتالمەن بايلانىستى. قىزمەتكەرلەردىڭ جاۋاپكەرشىلىك دەڭگەيىن كوتەرۋدى تاپسىرامىن. سوندا عانا اتقارۋشى بيلىك جۇمىسىنىڭ تيىمدىلىگى بايقالاتىن بولادى، - دەدى دانيال احمەتوۆ.
