بۇگىن باتىس قازاقستان وبلىسى ادۆوكاتتار القاسىنىڭ مۇشەسى، تانىمال تاۋەلسىز زاڭگەر ابزال قۇسپاننىڭ تۋعان كۇنى، دەپ جازادى Qamshy.kz اقپارات اگەنتتىگى. 

ابزال قۇسپان 1978 جىلى 23 اقپاندا ومىرگە كەلگەن. ول – ۇلتتىق ماسەلەلەرگە ءۇن قاتىپ جۇرگەن زاڭگەر. جاڭاوزەن وقيعاسى كەزىندە ول  قۇقىعى تاپتالعان حالىقتىڭ جاعىندا بولدى. 2016 جىلى تۇتاس رەسپۋبليكادا حالىق ورە تۇرەگەلگەن جەر ماسەلەسىندە دە ءۇنسىز قالعان جوق. ول ۇنەمى ۇلتشىلداردىڭ جانىنان تابىلدى ءھام ۇلتتىڭ ءسوزىن سويلەدى. ءقازاقتىلدى ب ا ق بەتتەرىندە ابزال قۇسپاننىڭ ءتۇرلى الەۋمەتتىك ماسەلەلەرگە وراي زاڭگەرلىك كەڭەستەرى ءجيى جاريالانىپ تۇرادى. ابزال قۇسپان بيىل ماجىلىستە ماقۇلدانعان «جەر تۋرالى» زاڭ جوباسىنا دا اتسالىسىپ، حالىققا بارىنشا ءتيىمدى بولۋىنا ۇلەس قوستى.

حالىقتىڭ ءسوزىن سويلەپ، ءىسىن ىستەپ، ۇلتىنا ادال قىزمەت ەتىپ كەلە جاتقان ازاماتتاردىڭ ءبىرى ابزال قۇسپاندى «قامشى» پورتالى  2015 جىلى «قازاق حاندىعىنا 550 جىل»، 2017 جىلى «الاش ارىستارىنىڭ 100 ءىزباسارى» مەدالدارىمەن ماراپاتتاعان بولاتىن.