اقتوبەنىڭ تۇرعىندارى قورىمدى سەنىمگەرلىك باسقارۋعا بەرىپ قويعان اتقارۋشى بيلىكتىڭ ارەكەتىنە وكپەلى.  جەكەنىڭ قولىنا وتكەلى جەرلەۋ قۇنىنىڭ كولەمى قىمباتتاعانى بىلاي تۇرسىن،  ەندى مارقۇمدى جەر قوينىنا تاپسىرۋ ءۇشىن  جۇرت اۋەلى سول مەكەمەنىڭ رۇقساتىن الۋلارى كەرەك ەكەن. ايتپەسە، جاڭا قوجايىن بەيىتتىڭ ماڭىنا دا جۋىتپايدى.  اۋىل تۇرعىندارى زيراتتى جەكەگە بەرگەننەن جاعداي جاقسارىپ كەتپەگەنىن ايتىپ وتىر. بۇل تۋرالى Qamshy.kz اقپارات اگەنتتىگى حابارلايدى.

قالا ماڭىنداعى بەيىتتەردى سەنىمگەرلىك باسقارۋعا بەرگەندە،  اكىمدىكتەگىلەر  زيراتتاردىڭ ءبارىن بىردەي باقىلاپ، كۇتىپ ۇستاۋعا شامامىز كەلمەيدى دەگەن ءۋاج ايتقان ەدى. كەيىن  جاۋاپكەرشىلىك قورىمداردى جالعا العان «سالتتىق قىزمەتتەردىڭ ءبىرىڭعاي ورتالىعىنا» جۇكتەلدى. جالعا العان مەكەمە اقتوبەنىڭ ماڭىنداعى 50 زيراتتى كۇتىپ ۇستاپ، قوقىسىن تازارتىپ، قورشاۋدى ءوز مىندەتىنە الدى.  الايدا، قالانىڭ ىرگەسىندەگى قۋرايلى اۋىلىنىڭ تۇرعىندارى ايتلىعاننىڭ ءبارى قاعاز جۇزىندە قالدى دەپ، قىزمەتىنە كوڭىلى تولماي وتىر.

"بۇل جونىندە حالىق قارسى. ەشتەڭە ىستەپ جاتقان جوق، قاراشى، انا ءبىزدىڭ ءبارىن بۇزىپ،  ەسىكتى مىنا جاقتان شىعارعان، ۆاگونىمىز اناۋ القان تالقان، شىعارىپ تاستادى، سيستەرنانىڭ تۇرىسى اناۋ" – قۋرايلى اۋىلىنىڭ تۇرعىنى جولدىباي ىمباعامبەت.

بەيىتتەن بيزنەس جاساعانداردى سىناعان حالىق  جەكە كومپانيا جەرلەۋ ءۇشىن «اكەسىنىڭ قۇنىن سۇراپ وتىر» دەپ شۋلاسقان ەدى. ارتىنشا ارنايى كوميسسيا قۇرىلىپ، تۇرعىنداردىڭ پىكىرىن ەسكەردىك دەدى شەندىلەر. جالعا العان تاراپ  5 مىڭ، 10 مىڭ، 20 مىڭ تەڭگە  قارجى كورسەتىلگەن قىزمەت ءۇشىن عانا الىناتىنىن ايتقان ەدى. ءبىراق، جۇرتتىڭ ايتقانى بۇعان مۇلدە قايشى كەلىپ وتىر.

"بىرەۋلەرگە كورسەتىلگەن قىزمەتى ءۇشىن تۇبىرتەك بەرگەن، بىرەۋلەرگە ونى دا بەرمەيتىن كورىنەدى. قىزمەتىنە الىپ جاتقان اقشاسى دا تۇسىنىكسىز. ءبىر تۇرعىننان 85 مىڭ العان، ال مىنا تانىسىم  قۇداعيىن جەرلەگەندە 65 مىڭ تولەدىك دەيدى. ال ءبىزدىڭ اۋىلدىڭ اكىمىنىڭ ايتقانى، كەلىسىم شارتقا وتىرعاندا 30  مىڭ تەڭگە دەگەن باعا تۋرالى ءسوز بولدى. مۇنى اكىمدىك باقىلاۋى كەرەك عوي" – قۋرايلى اۋىلىنىڭ تۇرعىنىع باستاماشى توپ وكىلى فەودور گريسەنكو.

جەكە كومپانيا بولسا كەلىسىم-شارتتا كورسەتىلگەن مىندەتتەردى اتقارىپ جاتىرمىز دەپ، وزدەرىنە شاڭ جۋىتپاي وتىر.  جەرلەۋگە بەرىلگەن اۋماقتى جيناستىرىپ،، قوقىستاردى شىعارىپ، قىس ۋاقىتىندا جولدارىن تازارتىپ وتىر ەكەن. اۋىلدىقتاردىڭ بەيىت ماڭىنان بىردە ءبىر قىزمەتكەرىن كوزىمىز شالمادى دەگەندەرىن دە جوققا شىعاردى. ءتىپتى، كۇن سايىن قىزمەتكەرلەرىمىز زيراتتارعا رەيد جۇرگىزەدى دەپ وتىر. 

«تۇرعىندارعا  مارقۇمدى جەرلەمەس بۇرىن بىزگە كەلىپ تىركەلۋ كەرەكتىگىن ەسكەرتۋ ءۇشىن رەيدتەر جۇرگىزىپ جاتىرمىز. ايتپەسە،  كوبىسى بۇل تۋرالى حابارسىز. ول بىزگە كەيىن ورتاق بازاعا مالىمەتتەردى ەنگىزۋ ءۇشىن كەرەك.  كەيبىرەۋلەر مۇنى تۇسىنىستىكپەن قابىلداسا، ەكىنشىلەرى نارازى بولىپ جاتادى. ولاردىڭ بارىنە تۇسىندىرەمىز" – «سالتتىق قىزمەتتەردىڭ ءبىرىڭعاي ورتالىعى» جشس-نىڭ قىزمەتكەرى سۆەتلانا يۋماشيەۆا.

سەنىمگەرلىك باسقارۋعا بەرىلگەن بەيىتتەردىڭ ماسەلەسى وبلىس اكىمىنىڭ حالىققا ەسەپ بەرۋ كەزىندە دە كوتەرىلدى. بەردىبەك ساپاربايەۆ بۇل تارتىپكە كەلتىرۋ ءۇشىن جاسالعان شارا دەپ ءتۇسىندىردى. وسىدان ەكى جىل بۇرىن اقتبەنىڭ ماڭىندا بىردە ءبىر زيراتتا قورشاۋ جوق بولسا، سەنىمگەرلىك باسقارۋعا بەرۋ سول ولقىلىقتىڭ ورنىن تولتىرادى دەدى.