«كۇلتەگىن» تۇركى جازبا ەسكەرتكىشىنە ارنالعان، نومينالى 1000 تەڭگەلىك بانكنوتتاردى قابىلداۋدان باس تارتۋ جاعدايلارىنىڭ جيىلەنۋىنە بايلانىستى، ۇلتتىق بانك بۇل بانكنوتتاردىڭ زاڭدى تولەم قۇرالى بولىپ تابىلاتىنىن ەسكە سالادى. ولار بويىنشا اينالىس مەرزىمى بەلگىلەنبەيدى. بۇل بانكنوتتار اينالىمنان تابيعي توزۋىنا قاراي الىنادى، دەپ جازادى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ. 

قازاقستان رەسپۋبليكاسىنىڭ يسلام كونفەرەنسياسى ۇيىمىنداعى ءتوراعالىعىنا ارنالعان 1000 تەڭگەلىك جانە قازاقستاننىڭ ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمداعى ءتوراعالىعىنا ارنالعان 1000 تەڭگەلىك ەسكەرتكىش بانكنوتتار دا زاڭدى تولەم قۇرالى بولىپ تابىلاتىنىن ەسكە سالادى. ولار بويىنشا اينالىس مەرزىمى بەلگىلەنبەيدى. بۇل بانكنوتتار اينالىمنان تابيعي توزۋىنا قاراي الىنادى.

قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس اينالىستاعى بانكنوتتار مەن مونەتالاردى قابىلداۋدان باس تارتۋ ەسكەرتۋ جاساۋعا، ال اكىمشىلىك جازا سالىنعاننان كەيىن ءبىر جىل ىشىندە قايتادان باس تارتۋ شاعىن كاسiپكەرلiك سۋبەكتiلەرiنە نەمەسە كوممەرسيالىق ەمەس ۇيىمدارعا – بەس، ورتا كاسiپكەرلiك سۋبەكتiلەرiنە – ون، iرi كاسiپكەرلiك سۋبەكتiلەرiنە جيىرما بەس ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى. بانكتەردىڭ جانە بانك وپەراسيالارىنىڭ جەكەلەگەن تۇرلەرiن جۇزەگە اسىراتىن ۇيىمداردىڭ بانكنوتتاردى قابىلداۋدان، ۇساقتاۋدان جانە ايىرباستاۋدان باس تارتۋى ەلۋ ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.

سۇراقتار تۋىنداعان جاعدايدا قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاسيالار باسقارماسىنا +7 (727) 2788 058، 2619-234، 2704-585 تەلەفوندارى بويىنشا جانە قولما-قول اقشامەن جۇمىس جۇرگىزۋ باسقارماسىنا +7 (727) 2704-569 تەلەفونى بويىنشا حابارلاسۋعا بولادى.