اعىمداعى جىلى وسكەمەن مەن سەمەي قالالارىنان جالاڭاشكول ستانسياسىنا دەيىن تەمىرجول قاتىناسى جولعا قويىلماق. سونىمەن بىرگە وبلىستىق بيۋدجەت ەسەبىنەن جوعارىدا كورسەتىلگەن تەمىرجول بەكەتىنەن قابانباي اۋىلىنا دەيىنگى (الاكول كولى) اۆتوكولىك جولىنىڭ جوندەۋى اياقتالادى.
«الاكول كولىنىڭ جاعالاۋىن اباتتاندىرۋ جۇمىستارى جالعاسىن تابادى. ءبىز تۋريستىك ينفراقۇرىلىمدى كەڭەيتۋ ءارى جاقسارتۋ مىندەتىن قويىپ وتىرمىز. سوڭعى ەكى جىلدا جالپى سوماسى 4،3 ملرد تەڭگە بولاتىن نەگىزگى تۋريستىك باعىتتار بويىنشا اۆتوكولىك جولدارى جوندەۋدەن ءوتتى. سونىمەن قاتار، اباي اۋدانىنداعى قوڭىر اۋليە ۇڭگىرىنىڭ جانە تارباعاتاي اۋدانىنداعى ىرعىزباي اۋليە كەسەنەسىنىڭ ماڭىنداعى تۋريستىك ينفراقۇرىلىم جاقسارتىلدى»، - دەپ اتاپ ءوتتى وبلىس اكىمى دانيال احمەتوۆ تۇرعىندار الدىنداعى ەسەپتى كەزدەسۋى بارىسىندا.
