شقو اكىمى دانيال احمەتوۆ: «ءبىز تاۋەكەلدى ەگىنشىلىك ايماعىندامىز، سوندىقتان جاڭا تەحنولوگيالاردى بەلسەندى قولدانۋىمىز كەرەك»، - دەيدى.
شىعىس قازاقستان وبلىسىنىڭ اكىمى دانيال احمەتوۆتىڭ پىكىرىنشە، ءوڭىردىڭ اۋىلشارۋاشىلىعى سالاسى وكىلدەرىنە وزدەرىنىڭ ەگىنشىلىك ءداستۇرىن وزگەرتىپ، جاڭا تەحنولوگيالار مەن تۇقىمداردى قولدانۋدى قولعا الۋ كەرەك.
«مەملەكەت باسشىسى جولداۋدا جۇكتەگەن مىندەتتەردىڭ ءبىرى، الەمدىك تاجىريبەنى جەرگىلىكتى جاعدايعا بەيىمدەۋدى نەگىزگە الا وتىرىپ يننوۆاسيالىق جوبالارمەن اينالىسۋىمىز كەرەك»، – دەدى د.احمەتوۆ تۇرعىندار الدىنداعى ەسەپتىك كەزدەسۋىندە.
بۇل رەتتە ءوڭىر باسشىسى تاجىريبەلىك مايلى داقىلدار شارۋاشىلىعىن مىسالعا كەلتىردى. كەيىنگى ءۇش جىلدىڭ كولەمىندە اتالمىش شارۋاشىلىقتا مايلى داقىلداردىڭ جاڭا سۇرىپتارى مەن بۋداندارى وندىرىلگەن. جاڭا ونىمدەر تۇقىمدى مەحانيكالىق وڭدەۋدەن باس تارتىپ، ونىڭ ورنىنا تولىق حيميالىق وڭدەۋگە كوشۋگە مۇمكىندىك بەردى.
قازىرگى كۇنى كۇنباعىستىڭ ءۇش بۋدانى مەملەكەتتىك سۇرىپتى سىناۋدان وتكىزىلۋدە، ولاردىڭ ەكەۋى قولدانىسقا دايىن.
سونىمەن قاتار وبلىستا شەتەلدىك سەرىكتەستەرمەن بىرلەسىپ سويانىڭ، زىعىردىڭ جانە ءداندى داقىلداردىڭ ساپالى سۇرىپتارىن ءوندىرۋ بويىنشا جۇمىستار جۇرگىزىلۋدە.
