كەشە كەشكى 20.00 شاماسىندا ۇلتتىق ۇلاننىڭ 5573 اسكەري ءبولىمىنىڭ جاۋىنگەرلەرى استانا قالاسى التىنسارين كوشەسىندە جانىپ جاتقان «Volkswagen Passat» ماركالى كولىكتى بايقايدى. اسكەري جاساق باستىعى ءالىمقۇل تەمىرلان مەن پاترۋلدەر بەيىمبەت مۇرات ۇلى جانە ماعجان ايدارحانوۆ وقيعا تۋرالى دەرەۋ اسكەري جاساق كەزەكشىسى اعا لەيتەنانت ەربول جۋمين مەن پاترۋلدىك توپ باستىعى سەرجانت قيزات پىشەمبايەۆقا باياندايدى. ارتىنشا سارىارقا اۋدانى ءىىب «بارس» كەزەكشى قىزمەتى ارقىلى ءورت ءسوندىرۋ جاساعىن شاقىرادى.

ۇلاندىقتار ەڭ ءبىرىنشى كەزەكتە كولىك ىشىندە ابدىراپ وتىرعان كولىك يەسىنىڭ 4-5 جاسار نەمەرەسىن سىرتقا شىعارادى. سودان ءورت ءسوندىرۋ قىزمەتى كەلگەنشە ۋاقىت جوعالتپاي، وقيعا ورنىن قورشاۋعا الىپ قاۋىپسىزدىك شارالارى مەن ءورتتى سوندىرۋگە كىرىسىپ كەتەدى. كوشەدەگى كولىكتەر مەن جاقىن ماڭداعى №25 مەكتەپتىڭ كوبىكتى ءورت سوندىرگىش قۇرالدارىن پايدالانا وتىرىپ، جالىندى اۋىزدىقتايدى.

كولىك يەسى 1947 ج.ت. اندريۋسەنكو يۋريي پەتروۆيچ دەر كەزىندە كومەككە كەلىپ، جاماندىقتىڭ الدىن العان ۇلتتىق ۇلان اسكەري قىزمەتشىلەرىنە ريزاشىلىعىن جەتكىزىپ، 5573 اسكەري ءبولىمى كومانديرىنىڭ اتىنا العىس جولدادى.