جۋىردا ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتى دەكانى ى.م. پالتورە باستاماسىمەن وقىتۋشىلار قۇرامى مەن ستۋدەنتتەرى الماتى قالاسى اۋەزوۆ اۋدانى قوجا احمەت ياسساۋي اتىنداعى № 123 مەكتەپ-گيمنازياسىنىڭ مۇعالىمدەرى جانە 10-11 سىنىپ وقۋشىلارىمەن كەزدەستى.

كەزدەسۋدىڭ نەگىزگى ماقساتى – ەلباسى ن.ءا. نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» تاقىرىبىنداعى جولداۋى مەن «ءياساۋيدىڭ بۇگىنگى ۇرپاققا ايتارى» اتتى بايانداما بولىمىندە قوجا احمەت ياساۋي مۇرالارى مەن ءىلىمىنىڭ زەرتتەلۋ ماسەلەلەرىن تالقىلاۋ.

كەزدەسۋدە شىعىستانۋ فاكۋلتەتى دەكانى، PhD، پالتورە ىقتيار مولداتورە ۇلى جولداۋدىڭ ەل ومىرىندەگى ماڭىزدىلىعىنا توقتالىپ، «ءبىلىمدى ۇرپاق – بولاشاعىمىزدىڭ نەگىزگى تىرەگى»، «ادامي كاپيتال – جاڭعىرۋ نەگىزى باسىمدىعى» بويىنشا جان-جاقتى تولىق مالىمەت جاسادى.

ى.م. پالتورە: قازاق ەلى تاۋەلسىزدىككە قول جەتكىزگەلى بەرى الەمنىڭ مىقتى ەلدەرىمەن ۇزەڭگى قاعىستىرۋعا تالپىنىپ كەلەدى. ارينە، ەلباسى جولداۋىنىڭ ماقساتى – ەلىمىزدى جاھاندىق باسەكەگە قابىلەتتى ەتۋ. ياعني، ەلباسىمىزدىڭ ناقتىلاپ بەرگەن ساياسي باعىتى مەن جوسپارىن بىرلىك پەن بەرەكەمىزدى جاراستىرىپ، جۇمىلىپ جۇزەگە اسىرۋ مىندەتىمىز بولىپ تابىلادى. ەلباسى جولداۋى – بولاشاقتىڭ باعدارى ەكەندىگى ايعاق. وسى تۇستا بيىلعى جولداۋدىڭ ون باعىتىنىڭ ىشىندە اسىرەسە، جەتىنشىسىنە توقتالعىمىز كەلىپ وتىر. سەبەبى، «ادامي كاپيتال – جاڭعىرۋ نەگىزى» دەپ ەلباسىمىز اتاپ كورسەتكەندەي، ءبىلىم بەرۋدىڭ جاڭا ساپاسىنا كوشۋدە بۇل سالاداعى باعدارلامالاردى قايتا قاراپ، جاڭا ءبىلىمدى مەڭگەرۋ قابىلەتىن دامىتۋ اسا ماڭىزدى دە بىلەمىز. ەلىمىزدىڭ ءاربىر ازاماتى ءوزىنىڭ سۇيىكتى ىسىنە، قىزمەتىنە بايلانىستى جولداۋدىڭ باعىتىن ىسكە اسىرۋدى كوزدەۋ كەرەك دەپ ويلايمىز. سوندا جۇمىلا بولاشاعىمىز وسكەلەڭ ۇرپاقتى ءبىلىمدى ەتىپ، ىرگەتاسىن قالاۋ ماسەلەسى مەكتەپ ۇستازدارىنىڭ الدىنا جۇكتەلگەن مىندەت بولىپ سانالادى. ءبىلىمدى ۇرپاق – ءبىزدىڭ جارقىن بولاشاعىمىز. سوندىقتان ن.نازاربايەۆتىڭ نەگىزگى كۇشتى ادامي كاپتيتال ساپاسىن جاقسارتۋعا سالىپ وتىرعانىنىڭ استارىندا ۇلكەن  ءمان بار، – دەپ مەملەكەتىمىزدىڭ بولاشاعى كەلەلى ۇرپاقتىڭ قولىندا ەكەندىگىن ءدوپ باسىپ ايتتى.

كەزدەسۋ نەگىزىنەن ەكى بولىمىنەن تۇردى: 1. «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» ق ر پرەزيدەنتى ن.ءا. نازاربايەۆتىڭ جولداۋىن تالقىلاۋ؛ 2. «ءياساۋيدىڭ بۇگىنگى ۇرپاققا ايتارى» بايانداما ءبولىمى (قوجا احمەت ياساۋي مۇرالارى مەن ءىلىمىنىڭ زەرتتەلۋ ماسەلەلەرىنە توقتالۋ)؛

ءبىرىنشى ءبولىم بارىسىندا وقىتۋشىلار مەن تالىمگەرلەر 2018 جولداۋدىڭ جاڭا باعىتتارى جايىندا ءوز پىكىرلەرىمەن ءبولىسىپ، جولداۋدى ورىنداۋدا قانداي جۇمىستار جاسالىنۋ كەرەك، ونى قالاي ىسكە اسىرۋ كەرەكتىگى جايىندا سۇراقتار قويىپ، ءوز جاۋاپتارىن الا الدى. سونىمەن قاتار، قاتىسۋشىلار جولداۋداعى كوزدەلگەن 10 قادامدى ورىنداۋدا ءوز ۇلەستەرىن قوسۋعا سەنىم ءبىلدىردى.

ەكىنشى «ءياساۋيدىڭ بۇگىنگى ۇرپاققا ايتارى» اتتى بايانداما بولىمىندە قوجا احمەت ياساۋي مۇرالارى مەن ءىلىمىنىڭ زەرتتەلۋ ماسەلەلەرىنە توقتالىپ، وزەكتى ماسەلەلەر بويىنشا ماڭىزدى تاقىرىپتار قوزعالدى. تۇركسوي كافەدراسىنىڭ مەڭگەرۋشىسى، ف.ع.ك.، دوسەنت م.ا. قىدىر تورە ەدىلباي ۇلى «دانالىق سوزدە ءتالىم بار» دەگەن بايانداماسىندا جاستاردى وقۋ-بىلىمگە، قاراپايىمدىلىق پەن ءومىر قۇندىلىقتارىن دۇرىس اجىراتا بىلۋگە شاقىرسا، تاياۋ، ورتا شىعىس جانە وڭتۇستىك ازيا  كافەدراسىنىڭ دوسەنتى، ف.ع.ك. احمەتبەكوۆا اقبوتا كاريباي قىزى «ديۋاني حيكمەت» ەڭبەگىنىڭ جاستار تاربيەسىندەگى ورنى وراسان زور ەكەندىگىنە توقتالدى.

كەزدەسۋدىڭ اجارىن اشا تۇسكەن قازاق ۇلتتىق ۋنيۆەرسيتەتى شىعىستانۋ فاكۋلتەتىنىڭ ستۋدەنتتەرى ارنايى دايىنداعان «ءبىلىمدى ۇرپاق – جارقىن بولاشاق كەپىلى» 8 شىعىس تىلىندە (اراب، تۇرىك، كورەي، جۇڭگو، پارسى، جاپون، ۋردۋ، حيندي) بويىنشا مانەرلەپ ولەڭ وقۋى وتىرىسقا قاتىسۋشىلارعا ەرەكشە كوڭىل-كۇي سىيلادى.

كەزدەسۋدىڭ سوڭىندا الماتى قالاسى اۋەزوۆ اۋدانى قوجا احمەت ياساۋي اتىنداعى № 123 مەكتەپ-گيمنازياسىنىڭ ديرەكتورى باعيلا اشيمبايەۆا ماسيماحىن قىزى قازۇۋ شىعىستانۋ فاكۋلتەتىنىڭ دەكانى PhD ى.م. پالتورە مەن ۇجىمىنا ەرەكشە العىسىن بىلدىرە وتىرىپ،  بولاشاقتاعى بىرلەسە كوپتەگەن عىلىمي جوبالار مەن وليمپيادا، ءار ءتۇرلى ءىسشارالاردى بىرلەسە وتكىزەيىك دەگەن ىزگى نيەتىن ءبىلدىردى.

قازاق ۇلتتىق ۋنيۆەرسيتەتى شىعىستانۋ فاكۋلتەتىنىڭ دەكانى، PhD، پالتورە ىقتيار مولداتورە ۇلى كەزدەسۋدى قورىتىندىلاي كەلە:

– مىنە، قازاقستان رەسپۋبليكاسى دامۋدىڭ جاڭا داۋىرىنە، تاۋەلسىزدىگىمىزدىڭ ءۇشىنشى مۇشەلىنە قادام باستى. سول سەبەپتى، تاۋەلسىزدىگىمىزدىڭ تۇعىرى مەن بەرىكتىگى بەكەم بولۋ ءۇشىن، الەمدەگى  الپاۋىت ەلدەرمەن يىق تىرەستىرىپ، باسەكەگە قابىلەتتى ەلگە اينالۋ ءۇشىن جولداۋدى ساراپتاپ قانا قويماي، جاسوسپىرىمدەرگە تاربيە مەن ءبىلىم بەرۋ قىزمەتىندە ءار ۇرپاقتىڭ ساناسىنا قۇيۋ ارقىلى ات سالىسۋىمىز قاجەت. سوندا عانا قازاق ەلىنىڭ كەلەشەگى كەمەلدى، بولاشاعى جارقىن بولماق! ەلباسى جولداۋى – تىڭ سەرپىلىس بەردى. بۇل وقىتۋشىلار مەن ۇستازدار پىكىرى. جىلدىڭ باستى قۇجاتىن ۇجىم بولىپ تالقىلاۋدىڭ  ناتيجەسىندە كوپتەگەن ماسەلەلەردىڭ شەشىمىن قاراستىرا الدىق.  سونىڭ ىشىندە الەۋمەتتىك ماسەلەلەرگە كوپ كوڭىل ءبولىنىپ، داعدارىس كەزىندەگى ەڭبەكاقىنىڭ كوتەرىلگەنى جۇمىسقا دەگەن قۇشتارلىقتارىن ارتتىرا تۇسكەندىگىن ايتادى.

ەلباسى: «جاۋاپتى ساتتە بىرلىگىمىزدى ساقتاپ، ەلىمىزدىڭ يگىلىگى ءۇشىن ايانباي تەر توگۋىمىز كەرەك. ءبىرىمىز – ءبارىمىز ءۇشىن، ءبارىمىز – ءبىرىمىز ءۇشىن» دەگەن قاعيدانى بىزدە بەرىك ۇستايىق اعايىن! – دەپ بارشامىزدى وقۋ-بىلىمگە شاقىردى.

شىعىستانۋ فاكۋلتەتى

كافەدرا تۇركسوي

ەشمەتوۆا ب.ب.