اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا-رايى ساقتالادى، كەي جەرلەرىندە جاۋىن-شاشىن جاۋادى، تەك رەسپۋبليكانىڭ باتىسىندا جاۋىن-شاشىنسىز اۋا-رايى كۇتىلەدى. بۇل تۋرالى Qamshy.kz اقپارات اگەنتتىگى قازگيدرومەتكە سىلتەمە بەرىپ حابارلايدى.

كەي جەرلەرىندە جەل كۇشەيەدى، جاياۋ بۇرقاسىن، كوكتايعاق بولادى. رەسپۋبليكانىڭ باسىم بولىگىندە تۇمان ساقتالادى.

          جامبىل، الماتى،  قىزىلوردا، قاراعاندى وبلىستارىنىڭ كەي جەرلەرىندە تۇمان، كوكتايعاق، جەلدىڭ 15-20م/س كۇشەيۋى كۇتىلەدى، جامبىل وبلىسىندا ەكپىنى 23-28 م/س كۇشەيەدى.  شىعىس قازاقستان وبلىسىنىڭ كەي جەرلەرىندە تۇمان،  جاياۋ بۇرقاسىن،  كوكتايعاق، جەلدىڭ 15-20، ەكپىنى 23-28 م/س كۇشەيۋى كۇتىلەدى.  پاۆلودار وبلىسىنىڭ كەي جەرلەرىندە تۇمان، جاياۋ بۇرقاسىن، كۇندىز باسىم بولىگىندە جەل 15-20 م/س كۇشەيەدى. ماڭعىستاۋ، باتىس قازاقستان، اقتوبە، اتىراۋ وبلىستارىنىڭ كەي جەرلەرىندە تۇمان، اتىراۋ وبلىسىندا كوكتايعاق كۇتىلەدى. اقمولا،  قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان، جاياۋ بۇرقاسىن، جەل 15-20 م/س كۇشەيەدى، اقمولا وبلىسىندا كوكتايعاق كۇتىلەدى. وڭتۇستىك قازاقستان وبلىسىنىڭ كەي جەرلەرىندە تۇمان، جەلدىڭ 15-20 م/س كۇشەيۋى كۇتىلەدى.