ۇلتتىق گۆارديانىڭ اسكەري قىزمەتشىلەرى سەيسەنبى كۇنى كەشكە الماتى وبلىسىنىڭ ۇزىناعاش اۋىلىنداعى سۋ باسقان ۇيلەردىڭ تۇرعىندارىن ءقاۋىپسىز جەرگە كوشىردى، دەپ حابارلايدى Sputnik قازاقستان.
الماتى وبلىسىنىڭ بەس اۋدانى مەن تالدىقورعان قالاسىنداعى ۇيلەردى بىرنەشە كۇننەن بەرى ەرىگەن قار سۋى باسىپ جاتىر. اۋدان بيلىگى جەرگىلىكتى اۋقىمدا تج رەجيمىن جاريالاپ، اسكەريلەردى كومەككە شاقىردى.
"ساعات 20:00 شاماسىندا جەكە قۇرامنىڭ كۇشىمەن قونايەۆ كوشەسىندەگى ءۇش ءۇيدىڭ تۇرعىندارى كوشىرىلدى. اپاتتان قۇتقارۋ جۇمىستارىن جۇرگىزۋگە 90-نان استام اسكەري قىزمەتكەر جانە 10 تەحنيكا ءبولىندى"، — دەپ جازىلعان ۇلتتىق گۆارديانىڭ حابارلاماسىندا.
ۇلتتىق گۆارديانىڭ اسكەري قىزمەتكەرلەرى اۋىلداعى جۇمىستى جالعاستىرۋدا: ارىقتاردى تازالاپ، قۇم سالىنعان قاپتاردان بوگەت جاساپ، اۋىل تۇرعىندارىنا ءۇيدىڭ اۋلاسىنان ەرىگەن قار سۋىن شىعارۋعا كومەكتەستىپ جاتىر.
