فرانسيادا پوليسيا 30 جىل بويى ايەلدەردى زورلاعان قىلمىسكەردى ۇستادى. 1988 جىلدان باستاپ قىلمىس جاساپ، ايەلدەردى زورلاپ جۇرگەن فرانسۋز 26 اقپاندا ۇستالدى دەپ حابارلايدى لەنتا.رۋ.

قىلمىسكەر ءوزىنىڭ كىناسىن تولىق مويىنداپ، 40-قا جۋىق ايەلدى زورلعانىن ايتقان. جاسى 50-گە كەلگەن ەر ادام قىلمىستى جاساۋداعى سەبەبىن ءوز-وزىن ۇستاي الماعاندىعى دەپ تۇسىندىرگەن. ول قىلمىستارىن تاڭعى ۋاقىتتا، قاراڭعى كەزدە  قولىنا قولعاپ كيىپ جاساعانىن ايتقان.

پوليسيا ەر ادامدى سوڭعى قىلمىسىنان كەيىن بىردەن تاۋىپ العان. بەلگيا ازاماتشاسى ءوزىن زورلاعانىن ايتىپ قۇقىق قورعاۋ ورگاندارىنا شاعىمدانعان. فرانسيادا تاعى 19 ايەل زورلىقتىڭ قۇربانى بولعانى بەلگىلى بولدى. 

قىلمىسكەردىڭ وتاسىلى، 3 بالاسى بار ەكەنى انىقتالدى. ول فۋتبوليست، ءوزىنىڭ تۇرعىلىقتى جەرىندە ورنالاسقان فۋتبول كلۋبىنىڭ پرەزيدەنتى ەكەن. جاقىندارى مەن تانىستارى ونى وتە سىپايى ادام، جاقسى اكە جانە كۇيەۋ دەگەن كوزقاراس بىلدىرگەن.