قازاق ستۋدەنتىنىڭ قاپىداعى قازاسى ەلدەگى جولداستارىنا دا اۋىر سوققى بوپ تيگەن. لوس-اندجەلەستەگى بولعان وقيعاعا قاتىستى ولار مارقۇمنىڭ الەۋمەتتىك جەلىدەگى پاراقشالارىنا جاپپاي كوڭىل ءبىلدىرىپ جاتىر. سولاردىڭ ءبىرى دايىردىڭ دوسى – بەكبولات تولەگەن ۇلى. كتك ارناسىمەن تىكەلەي ەفيرگە شىققان بەكبولات تولەگەن ۇلى دوسىنىڭ قانداي سەبەپپەن قازاق تاپقانى ءالى بەلگىسىز دەيدى.    

«دايىر ناعىز ءبىرتۋار ۇلداردىڭ ءبىرى بولدى. «بيوينجەنەريا» ماماندىعى بويىنشا فاكۋلتەتتىڭ ەڭ ۇزدىك ستۋدەنتى ەدى. كوشپەلى قازاق جۇرتى جايلى زەرتتەۋ جۇمىستارىن جۇرگىزەتىن. اقش، فرانسۋز زەرتتەۋشىلەرىنىڭ دەرەكتەرىن ورىس تىلىنە اۋدارىپ، الەۋمەتتىك جەلىدە تاريحقا قىزىعاتىن وقىرماندارىنا ارناپ، قىزىقتى جازبالار قالدىرىپ وتىراتىن. كەشەگى حابار قابىرعامىزدى قايىستىردى. ەندى قالاي بولادى ەكەن؟»، - دەدى دوسىنان ايىرىلعانىنا سەنەر-سەنبەسىن بىلمەگەن بەكبولات.

ايتا كەتەيىك، 23 جاستاعى دايىر ساعدييەۆ لوس-اندجەلەستەگى كاليفورنيا ۋنيۆەرسيتەتىن ءبىتىرىپ، بيىل ەلگە ورالۋى ءتيىس بولعان. الايدا قاپىدا قازا تاپتى. ستۋدەنتتىڭ ولىمىنە ناقتى نە سەبەپ بولعانى ازىرگە بەلگىسىز. دەسەك تە امەريكالىق ب ا ق مارقۇمنىڭ بيىكتەن قۇلاپ كەتكەنىن جازدى.

ءقازىر وقيعانىڭ انىق-قانىعىن سىرتقى ىستەر مينيسترلىگى انىقتاپ جاتىر.