ق ر ۇكىمەتىنىڭ وتىرىسىنان كەيىن ەنەرگەتيكا ءمينيسترى قانات بوزىمبايەۆ ورىنباسارى عاني سادىبەكوۆتىڭ ۇستالۋىنا قاتىستى پىكىر ءبىلدىردى، دەپ جازادى Qamshy.kz اقپارات اگەنتتىگى.

بوزىمبايەۆ بۇل جاعدايدىڭ ۇجىم ءۇشىن اۋىر سوققى بولعانىن ايتتى.

«ءبىزدىڭ مينيسترلىكتىڭ ۆيسە-مينيسترى جانە دەپارتامەنت ديرەكتورى قاماۋعا الىندى. بۇل ءبىزدىڭ مينيسترلىك ءۇشىن، ۇجىم ءۇشىن وتە اۋىر سوققى بولدى. ءبىراق، وسى كەزەڭدە ءاربىر سۇراقتى ءتيىستى قۇقىق قورعاۋ ورگاندارىنا، ءتيىستى ادۆوكاتتارعا جولداۋ كەرەك. ويتكەنى، قازىرگى تاڭدا ءبىزدىڭ مينيسترلىكتە  ەشقانداي ماتەريال  جوق. سوندىقتان ءبىز مالىمەت  بەرە المايمىز»، — دەدى قانات بوزىمبايەۆ.

ەسكە سالا كەتەيىك، ق ر ەنەرگەتيكا ۆيسە-مينيسترى عاني سادىبەكوۆ «ايماق» ج ش س مەردىگەر ۇيىمىنىڭ باسشىسىمەن قىلمىستىق كەلىسىمدە ششۋچينسك-بۋراباي كۋرورتتىق ايماعىنداعى كولدى تازارتۋعا بولىنگەن اسا ءىرى كولەمدەگى بيۋدجەتتىك قاراجاتتى جىمقىردى دەگەن ايىپپەن ۇستالدى. استانا قالاسىنىڭ №2 الماتى اۋداندىق سوتى كۇدىكتى — عاني سادىبەكوۆ پەن سەرىكباي جۇمالينوۆكە قاتىستى ەكى ايعا قاماۋدا ۇستاۋ تۇرىندەگى بۇلتارتپاۋ شاراسىن قولدانۋ جونىندە شەشىم شىعاردى.