نوۆوسيبيرسكتە سوت 52 جاستاعى ەر ادامدى ومىرلىك باس بوستاندىعىنان ايىردى. ەۆگەنيي چۋپلينسكيي بۇرىنعى پوليسيا قىزمەتكەرى 19 ايەلدى ءولتىردى دەپ ايىپتالدى. قىلمىسكەر جازاسىن قاتاڭ رەجيمدەگى كولونيادا وتەيدى دەپ جازادى ربك.
چۋپلينسكيي ايەلدەرگە 1998-2005 جىلدار ارالىعىندا نوۆوسيبيرسك ايماعىندا شابۋىل جاساعان. ول ولتىرگەن ايەلدەردىڭ دەنە بولىكتەرى مەن مۇشەلەرى جەرگىلىكتى اۋداننىڭ قوقىستارى مەن جول بويىندا تابىلعان. بەلگىلى بولعانداي، بارلىق ايەلدەر جەڭىل ءجۇرىستى، ينتيم قىزمەتتەرىندە جۇمىس ىستەگەن. پوليسيا چۋپلينسكيي ەۆگەنييدى دنق ءاناليزى ارقىلى تاپقان. الايدا قىلمىسكەردى انىقتاۋ ءۇشىن بارلىعى ساراپتا جاساۋعا 10 جىل ۋاقىت كەتكەن. ناتيجەسىندە قىلمىسكەر تەك 2016 جىلى ۇستالعان.
مالىمەتتەرگە قاراعاندا، چۋپلينسكيي ءوزىنىڭ قۇرباندارىن اۆتوكولىگىنە وتىرعىزىپ، ادام اياعى باسپايتىن جەرلەرگە الىپ كەتىپ وتىرعان. سول جەردە ولاردى ءولتىرىپ، بولشەكتەگەن. ونىڭ قۇرباندارى 18-بەن 31 جاستاعى ايەلدەر بولدى.
