«Qazaqstan» ۇلتتىق ارناسىندا «پرەزيدەنتتىڭ 5 الەۋمەتتىك باستاماسىنا» ارنالعان رەسپۋبليكالىق تەلەكوپىر بولىپ ءوتتى دەپ جازادى Qamshy.kz اقپارات اگەنتتىگى.
پرەزيدەنتتىڭ 5 الەۋمەتتىك باستاماسىن جۇزەگە اسىرۋدىڭ جول كارتاسى ازىرلەنەدى حامەنوۆا: ەلباسىنىڭ باستامالارى - الەۋمەت پەن الەۋەتتى كوتەرەر وڭدى باعىت ەلباسىنىڭ جاريالاعان 5 الەۋمەتتىك باستاماسى قوعامدا ۇلكەن قولداۋعا يە بولىپ، قىزۋ تالقىلانىپ جاتىر. ءار قازاقستاندىقتىڭ ءال-اۋقاتىن جاقسارتۋعا باعىتتالعان پرەزيدەنتتىڭ ۇندەۋى مەن حالىقتىڭ وسى باستامالارعا قولداۋى ۇلتتىق ارنانىڭ ارنايى تەلەكوپىر وتكىزۋىنە ارقاۋ بولدى.
تەلەكوپىرگە ەلىمىزدىڭ قىزىلوردا، قوستاناي، قاراعاندى، اقتوبە، الماتى وبلىستارىنىڭ اكىمدەرى، ق ر پارلامەنتى سەناتىنىڭ دەپۋتاتتارى ءبىرعانىم ءايتىموۆا، بەكمىرزا ەلامانوۆ، «نۇر وتان» پارتياسىنىڭ حاتشىسى تامارا دۇيسەنوۆا، «قازاقستان-2050» جالپىۇلتتىق قوزعالىسى كەڭەسىنىڭ ءتوراعاسى مۇحتار مانكەيەۆ پەن «اتامەكەن» ق ر ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ، ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نۇرجان التايەۆ جانە قوعام قايراتكەرلەرى قاتىسىپ، ءوز پىكىرلەرى مەن ويلارىن ورتاعا سالدى. «بەس باستاما حالىقتىڭ كوكەيىندە جۇرگەن ماسەلەلەردى قوزعادى دەپ ەسەپتەيمىز. سەبەبى، باستامانىڭ بەسەۋى دە حالىقتىڭ تۇرمىس-تىرشىلىگىن جاقسارتۋعا، دەڭگەيىن كوتەرۋگە باعىتتالعان. بۇل ماسەلەلەر دەپۋتاتتىق ساۋال رەتىندە دە پارلامەنت پالاتالارىندا كوتەرىلىپ كەلگەن. ءبىراق، ەلباسى بۇل باستامالار بار دايىندىقتان، زەرتتەۋلەرى مەن قارجىلىق قامتاماسىز ەتۋدەن وتكىزىلىپ، مەزگىلى كەلگەن كەزدە ايتىلىپ وتىرعان ماسەلە ەكەنىن ايتىپ ءوتتى. حالىق ونى جاقسى قابىلداپ جاتىر»، - دەدى تەلەكوپىر باسىندا سەناتور بەكمىرزا ەلامانوۆ.
«نۇر وتان» پارتياسىنىڭ اتىنان ءسوز سويلەگەن باس پارتيانىڭ حاتشىسى تامارا دۇيسەنوۆا ەلباسىنىڭ جىلداعى جولداۋلارىندا الەۋمەتتىك ماسەلە باستى ماقساتتاردىڭ ءبىرى بولعانىن اتاپ كورسەتتى. «بيىلعى بەس الەۋمەتتىك باستاما سول جولداۋلاردا كورسەتىلگەن باعىتتاردىڭ جالعاسى دەپ ايتۋعا بولادى. سوندىقتان، ءقازىر ءبىزدىڭ 1 ميلليوننان استام «نۇر وتان» پارتياسىنىڭ نەگىزگى مۇشەلەرىنىڭ بارلىعى بۇل باستامالاردى تولىق قولدايتىنىن جەتكىزىپ جاتىر»، - دەدى ول.
ال پارلامەنت ءماجىلىسىنىڭ دەپۋتاتى ومارحان وكسىكبايەۆتىڭ پايىمداۋىنشا، ەڭ باستىسى، ەلباسى جاستارعا دەگەن كوڭىلدىڭ ماڭىزدى ەكەندىگىن العا تارتقان. جاستارعا دەگەن قامقورلىعىن كورسەتكەن. «ءبىزدىڭ جاستارعا مۇمكىنشىلىكتەردىڭ ارتتىرۋ جولدارىن قاراستىرىپ وتىر. ويتكەنى ولاردىڭ كوبىسىنىڭ، جاسىراتىنى جوق گرانتقا قولجەتىمدىلىگى تاپشى بولىپ وتىر. سوندىقتان بۇل ۇلكەن قامقور، بۇل جاستارىمىزدىڭ بولاشاعىنا ۇلكەن ءۇمىت ارتاتىن ەلباسىنىڭ ساياساتى»، - دەدى ماجىلىسمەن.
بەس باستامادا حالىقتىڭ الەۋمەتتىك ماسەلەلەرىنە باسا دەن قويىلعانى بەلگىلى. وسى تۇرعىدا ءسوز سويلەگەن ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نۇرجان التايەۆ اۋىلدا تۇرىپ جاتقان ازاماتتار، اسىرەسە جۇمىسسىز جۇرگەندەر نەمەسە ءوزىن-وزى جۇمىسپەن قامتىپ جۇرگەن ازاماتتار ءوز تابىس كوزىن تاپقىسى كەلەتىنىن ايتادى. «سوندىقتان وسى باعدارلامامەن بەرىلەتىن نەسيە جەڭىلدەتىلگەن، ويتكەنى 6% پايىزبەن بەرىلەدى. ەشقانداي ەكىنشى دەڭگەيدەگى بانكتەر نەمەسە قارجىلىق ۇيىمدار بۇنداي از پايىزبەن نەسيە بەرىپ جاتقان جوق. بۇل باعدارلاما اۋىلداعى ادامدارعا وتە ۇلكەن كومەك»، - دەدى ول. پرەزيدەنتتىڭ بەس باستاماسىنا جاستار قالاي قارايدى؟ بۇل سۇراققا تەلەكوپىر بارىسىندا «قازاقستان 2050» جالپىۇلتتىق قوزعالىسى كەڭەسىنىڭ ءتوراعاسى مۇحتار مانكەيەۆ جاۋاپ بەرىپ، ال ءوز كەزەگىندە «اتامەكەن» ۇكپ باسقارما ءتوراعاسى ابىلاي مىرزاحمەتوۆ وسى جوبانىڭ كاسىپكەرلەر مەن كاسىپكەرلىكتى دامىتۋعا ىقپالى تۋرالى ءسوز قوزعادى. تەلەكوپىر بارىسىندا ەل ايماقتارىمەن تىكەلەي بايلانىس ورناتىلىپ، ءوڭىر باسشىلارىنىڭ دا پىكىرى تىڭدالدى.
