بۇگىن الماتى وڭىرلىك گارنيزونى اسكەري پوليسيا جاساعى اكىمشىلىك تاجىريبە جانە سىبايلاس جەمقورلىققا قارسى ارەكەت ەتۋ ءبولىمىنىڭ قىزمەتكەرلەرىمەن مامىر ايىنا ارنالعان نەگىزگى ءىس-شارالار جوسپارىن ىسكە اسىرۋ قۇقىق بۇزۋشىلىقتى انىقتاۋ، اشۋ، ەسكەرتۋ جانە الدىن-الۋ شارالارىن ورىنداۋ ماقساتىندا الماتى قالاسى قورعانىس ىستەرى جونىندەگى دەپارتامەنتىنىڭ اسكەري قىزمەتشىلەرى اراسىندا سىبايلاس جەمقورلىققا قارسى زاڭنامانى ءتۇسىندىرۋ بويىنشا جينالىس وتكىزىلدى.
جينالىس بارىسىندا الماتى وڭىرلىك گارنيزونى اسكەري پوليسيا جاساعى سىبايلاس جەمقورلىققا قارسى ارەكەت ەتۋ بولىمشەسىنىڭ وفيسەرى اعا لەيتەنانت ر.ب.ساۋرىق 2015 جىلعى 18 قاراشادا قابىلدانعان "سىبايلاس جەمقورلىققا قارسى ءىس-قيمىل تۋرالى قازاقستان رەسپۋبليكاسىنىڭ زاڭى جانە قازاقستان رەسپۋبليكاسىنىڭ قارۋلى كۇشتەرىندە سىبايلاس جەمقورلىققا قارسى ءىس-قيمىل تۋرالى زاڭنامانىڭ ورىندالۋىن باقىلاۋ جونىندەگى كوميسسيالار تۋرالى ەرەجەسىن جانە 2017-2018 جىلدارداعى قورعانىس مينيسترلىگى قاتارىنداعى سىبايلاس جەمقورلىق فاكتىلەرىمەن ۇستالعاندار جايلى جەتكىزدى. سونىمەن قاتار، 2015 جىلعى 1 قاڭتاردان باستاپ زاڭدى كۇشىنە ەنگەن «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى» كودەكسىنىڭ تالاپتارى جان-جاقتى جەتكىزىلدى.
اسكەري قىزمەتشىلەر قويعان ساۋالدارىنا ناقتى جاۋاپتار الىندى. وسىلايشا، الماتى قالاسىنىڭ ءقىد باستىعىنىڭ ءبىرىنشى ورىنباسارى ح.م.زينناتۋللين بارشامىزدى زاڭعا جانە اسكەري جارعىعا سايكەس قارۋلى كۇشتەرىنىڭ قاتارىندا كىرشىكسىز قىزمەت اتقارۋعا شاقىردى.
قارلىعاش مۇسابەك قىزى
پىكىر قالدىرۋ