«بولار ءىستىڭ باسىنا، جاقسى كەلەر قاسىنا» دەپ، حالىق ايتقانداي ەلىنىڭ ەرتەڭىن ويلاعان ەلباسى  ايقىن 5 باستامانى حالىققا ۇسىندى. وسى باستامالار اياسىندا ۇسىنىلعان باعدارلامالار مەن ءىس-شارالار ەلدىڭ ەڭسەسىن كوتەرەرى ءسوزسىز. اتاپ ايتسام:

باسپانا الۋدىڭ جاڭا مۇمكىندىكتەرى بويىنشا ۇسىنىلعان «7-20-25» باعدارلاماسى بۇگىنگى كۇنى باسپاناسىز جۇرگەن تالاي وتباسىعا ۇلكەن كومەك. اسىرەسە، بولاشاعىنا سەنىم تۋدىرۋ ءۇشىن جاس وتباسىلارعا جاسالىپ جاتقان جاقسى جاعداي دەپ ايتۋعا بولادى. ەلىنە ءوز ۇلەسىن قوسۋ ءۇشىن ەڭبەك ەتىپ ەتىپ جۇرگەن ءبىلىمدى جاستار بارشىلىق. كوبىنە وتباسىلىق-تۇرمىستىق جاعدايلارى بولماعاندىقتان، كۇيبەڭ تىرشىلىكتەن ارىلا الماي جۇرگەن جاستار ەندى قولجەتىمدى باسپانامەن قامتاماسىز ەتىلەدى دەپ ويلايمىن.

تومەن تولەمدەگى جالاقىسى بار ازاماتتارعا سالىق تولەمىن ازايتۋ جونىندەگى  باستاما دا ورىندى. سالىقتى ازايتۋ ارقىلى ولاردىڭ جالاقىسىن كوتەرۋ كوزدەلگەن بۇل باستامادا حالىققا الەۋمەتتىك تۇرعىدا قولداۋ كورسەتىلەتىندىگى كوڭىلگە سەنىم ۇيالاتادى

ەڭ باستىسى، جوعارى ءبىلىم الۋدىڭ ساپاسى مەن قولجەتىمدىلىگىن كوتەرۋ باستاماسى قانشاما جاستاردى تىعىرىقتان شىعارارى ءسوزسىز. ەلباسى ۇسىنعان تەحنيكا سالاسىنداعى مەملەكەتتىك گرانتتى كوبەيتۋ ماسەلەسى ارقىلى ەل ەكونوميكاسىن ارتتىرۋداعى قاجەتتى ماماندىقتارعا كوڭىل ءبولۋ بولىپ تابىلادى. وسى ماماندىقتارعا جاستاردى تارتۋ ءۇشىن ولارعا جاعداي تۋعىزۋ كەرەكتىگىن باسا ايتقان ەلباسى جوعارعى وقۋ ورنى مەن كوللەدجدەردە جاتاقحانا ماسەلەسىن شەشۋ كەرەكتىگىن باسا ايتتى. وسى باستاما بويىنشا سالىناتىن زاماناۋي تۇرعىداعى جاڭا جاتاقحانالار تالاي پاتەر جالداپ جۇرگەن ستۋدەنتتەردىڭ ماسەلەسىن شەشەدى. ولاردىڭ  تولىققاندى ءبىلىم الۋىنا جاعداي جاسالاتىنى مەنى دە قۋانتادى.

ەلدىڭ ەڭسەسىن كوتەرگەن باستامالاردىڭ ءبىرى - شاعىن نەسيە بەرۋ كولەمىن كەڭەيتۋ. ءوز كاسىبىن باستاپ، شارۋاشىلىعىن كەڭەيتۋدى كوزدەگەن ءاربىر كاسىپكەرگە تاپتىرماس كومەك دەۋگە بولادى. قارجىلاي كومەكتى قاجەت ەتەتىن ءاربىر كاسىپكەر ءوز شارۋاشىلىعىن كەڭەيتۋدە مەملەكەت تاراپىنان جاسالعان بۇل باستامانى قۋانىشپەن قارسى الىپ جاتىر دەپ ويلايمىن.

ەلدى كوگىلدىر وتىنمەن قامتاماسىز ەتۋدى كوزدەگەن بەسىنشى باستاما حالىق تۇرمىسىنداعى قوردالانىپ قالعان تالاي ماسەلەنى شەشەرى داۋسىز.  ىستىق سۋ ماسەلەسى، وتىن تاپشىلىعى سياقتى (اسىرەسە ءبىزدىڭ كوكشەتاۋ قالاسى بويىنشا) قاراپايىم دۇنيەلەر قولجەتىمدى بولار ەدى. وسى باستامالاردى  ازاماتتىق تۇرعىدان قولدايمىن جانە جاقىن ارادا جۇزەگە اساتىنا سەنەمىن.

كاراسارتوۆا ش.ك.

م.عابدۋللين اتىنداعى №3

كوپتىلدە وقىتاتىن

كاسىبي مەكتەپ-گيمنازياسىنىڭ

قازاق ءتىلى مەن ادەبيەتى ءپانى ءمۇعالىمى،

«قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسىنىڭ يەگەرى