الۆارەستىڭ 3 جانە 5 ناۋرىزدا تاپسىرعان دوپينگ-سىناعىنىڭ ناتيجەلەرى جاريالاندى.

مەكسيكالىق بوكسشى ساۋل "كانەلو" الۆارەس (49-1-2، 34 كو) ورتا سالماقتا WBC، WBA (Super)، IBF جانە IBO تۇجىرىمدارى بويىنشا الەم چەمپيونى قازاقستاندىق گەنناديي گولوۆكينمەن (37-0-1، 33 كو) ەكىنشى جەكپە-جەگىنىڭ قارساڭىندا تاپسىرعان تاعى ەكى دوپينگ-سىناعىنىڭ ناتيجەسى بەلگىلى بولدى،  دەپ حابارلايدى Vesti.kz.

Los Angeles Times ءجۋرناليسى لەنس پاگمايەردىڭ مالىمەتى بويىنشا، الۆارەستىڭ 3 جانە 5 ناۋرىزدا تاپسىرعان دوپينگ-سىناعىنىڭ ناتيجەسى كلەنبۋتەرولدىڭ جانە باسقا دا تىيىم سالىنعان زاتتاردىڭ بولماعانىن كورسەتەدى.

ەسكە سالا كەتەيىك، وسىعان دەيىن الۆارەستىڭ دوپينگپەن ۇستالعانى حابارلانعان بولاتىن. الۆارەستىڭ دوپينگ-سىناماسىنان كلەنبۋتەرولدىڭ بولماشى مولشەرى تابىلعان. بۇل پرەپارات ادامعا بۇلشىقەت ماسساسىن وسىرۋگە جانە مايدى جويۋعا كومەكتەسەدى. ال سپورتتان تىس بۇل پرەپارات جانۋارلاردىڭ ماسساسىن وسىرۋگە ارنالعان ەكەن.