توتەنشە جاعدايلار قىزمەتى كوكتەمگى سۋ تاسقىنىنا بايلانىستى اتباسار اۋدانىندا الدىن-الۋ شارالارىن جۇرگىزۋگە كىرىستى. بۇل تۋرالى وبلىستىق توتەنشە جاعدايلار دەپارتامەنتىنىڭ باستىعى الەكسەي سوۆەتوۆ باسپا ءسوز تۋرىندا ايتتى.

اتباسار – سۋ باسۋ ءقاۋپى اسا جوعارى اۋدان. مۇنداعى جاباي وزەنىنىڭ باسسەينىندەگى توپىراقتىڭ كوكتەمگى ىلعالدىلىعى ادەتتەگى نورمادان اسىپ تۇسەدى. سونداي-اق، بىرنەشە جىلعى باقىلاۋدىڭ ناتيجەسىندە، ناۋرىز جانە ءساۋىر ايلارىندا تاۋلىگىنە ءبىر ايلىق جاۋىن-شاشىننىڭ دەڭگەيى ءتۇسۋى مۇمكىن.

بۇگىنگە سۋ تاسۋىنىڭ الدىن الۋ ماقساتىندا ءتيىستى شارالار جۇرگىزىلۋدە. اۋداندىق بيۋدجەتتەن 57.3 ملن تەڭگە كولەمىندە قاراجات بولىنگەن.

اتباسار اۋدانىنداعى ەلدى-مەكەندەردى ينجەنەرلىك قورعاۋدىڭ كەستەسىنە سايكەس، نوۆوسەلسكوە، پوكروۆكا، پولتاۆكا سياقتى اۋىلداردا سۋ تاسۋىنىڭ الدىن الۋعا بايلانىستى ءتۇرلى شارالار جۇرگىزىلگەن. ال وزگە اۋىلدىق وكرۋگتاردا جۇمىستار اعىمداعى جىلدىڭ 15 ناۋرىزىنا دەيىن اياقتالادى دەپ جوسپارلانادى.