سقو اكىمى قۇمار اقساقالوۆ «نازاربايەۆ زياتكەرلىك مەكتەپتەرى» اق باسقارما ءتورايىمى كۇلاش شامشيدينوۆامەن كەزدەستى، دەپ جازادى Qamshy.kz اقپارات اگەنتتىگى.

ءقازىر پەتروپاۆلداعى «بەرەكە» ىقشام اۋدانىندا ورنالاسقان زياتكەرلىك مەكتەپتە 597 وقۋشى وزىق ۇلگىدەگى ءبىلىم جۇيەسىمەن وقىپ جاتىر. وقۋشىلاردىڭ 35 پايىزى اۋىلدىق جەرلەردەن كەلگەنىن اتاپ وتكەن ءجون. ءوڭىر باسشىسى نازاربايەۆ زياتكەرلىك مەكتەبىندە ءبىلىم الۋعا ۇمتىلعان جاستاردىڭ قاتارى جىل ساناپ ارتۋدا دەپ اتاپ ءوتتى. مەكتەپتىڭ تۇلەكتەرى الەمنىڭ ۇزدىك ۋنيۆەرسيتەتتەرىندە ءبىلىم الىپ جاتىر.  قۇمار اقساقالوۆ ءبىلىم ورداسىنىڭ 10 جىلدىق مەرەيتويىمەن دە قۇتتىقتادى. 

ءوز كەزەگىندە باسقارما ءتورايىمى كۇلاش ءشامشيدينوۆا زياتكەرلىك مەكتەپتەردىڭ الەمدىك تالاپتارعا ساي ءبىلىم بەرىپ جاتقانىن اتاپ ءوتتى. وسى تاجىريبەنى ەندى ورتا ءبىلىم بەرەتىن مەكتەپتەرگە تاراتۋ مىندەتى تۇر. ءقازىر بۇل باعىتتا ءبىلىم ورداسى وبلىستىڭ نەگىزگى مەكتەپتەرىمەن جۇمىس جاساپ جاتىر.

كەزدەسۋ سوڭىندا سقو اكىمدىگى مەن  «نازاربايەۆ زياتكەرلىك مەكتەپتەرى» اراسىندا ءوزارا ىنتىماقتاستىق مەموراندۋمىنا قول قويىلدى.

مەموراندۋمنىڭ ماقساتى -  بالالاردى تاربيەلەۋ جانە وقىتۋ، ءبىلىم بەرۋ ۇيىمدارىن باسقارۋ سالاسىندا "نازاربايەۆ زياتكەرلىك مەكتەپتەرى" ۇيىمىنىڭ تاجىريبەسىن تاراتۋ، سونىمەن قاتار ايماقتا يننوۆاسيالىق ءبىلىم بەرۋدى دامىتۋ باعىتىندا پەداگوگتاردىڭ كاسىبي دەڭگەيىن ارتتىرۋ بويىنشا ىنتىماقتاستىق بولىپ تابىلادى.